«Ааҕар сайдам саха ыала» дьиэ-кэргэн олимпиадата
Улууспут аҕа баһылыга Стеьан Анатольевич Саргыдаев: «Дойду бэрэсидьиэнэ Владимир Путин дойдуга таптал, төрүт култуураны илдьэ сылдьыы, бэйэ историяны билии дьиэ кэргэнтэн саҕаланарын бэлиэтээн туран, Арассыыйаҕа Дьиэ кэргэн сылын биллэрдэ. Манна сөп түбэһиннэрэн, биир ситим буолан, улууспутугар «Ыал саргыта» бырагыраама олоххо киирбититтэн үөрэбит«, — диэн 2024 сыллаахха Арассыыйа бэрисидьиэнэ биллэрбит Дьиэ-кэргэн сылын чэрчитинэн улууска тэриллэн күн бүгүн үлэлии турар. Улуус ыалын олоҕун уйгутун үрдэтиигэ анаммыт бырайыак, сүрүн сүрүн соруктарынан,ытыктабыл өйдөбүллэрэ дьиэ кэргэнтэн саҕаланарын олохтооһун, сокуонунан эр-ойох буолуу сыаннаһын, төрөөбүт дойдуга бэриниилээх буолууну, киэн туттууну үрдэтии, оҕо инники кэскилэ төрөппүттэн улахан тутулуктааҕын өйдөтүү, чөл олоҕу тутуһууну ситиһии, духуобунаһы үрдэтии уо.д.а. буолаллар. бу чэрчитинэн, Улуустааҕы библиотекабыт ыыппыт «Ааҕар сайдам саха ыала» дьиэ — кэргэн олимпиадатыгар, Кытаанахтааҕы тыа сирин модельнай уонна В.С.Яковлев — Далан аатынан библиотекалар 7 дьиэ-кэргэни кыттыннардылар. Алын сүһүөхтэн 1 кылаас үөрэнээччитэ Алик Корякин эдьиийинээн Ирина Петровналыын, 2 кылаас үөрэнээччитэ Эрсан Борисов ийэтинээн Ксения Николаевналыын, 4 кылаас үөрэнээччитэ Эрхан Пономарев ийэтинээн Роза Андреевналыын. Орто сүһүөхтэргэ Ева Бабиченко ийэтинээн Саргылаана Михайловналыын, Амелия Терютина ийэтинээн Лена Степановналыын, Күннэй Собакина ийэтинээн Ольга Сергеевналыын, Борисова Сайаана ийэтинээн Туяра Васильевналыын кыттыыны ыллылар. Куруук көхтөөх кыттыыны ылар төрөппүттэрбитигэр махтанабыт.
