Кытаанахха сүүрүү-хаамыы аахсыйата
Бэҕэһээ, ыам ыйын 2 күнүгэр, Сахаяна иннокентьевна Петрова дириэктэрдээх Саха сирин «Харысхал» аһымал пуондата 15 сыллаах үбүлүөйүн көрсө, инбэлииттээх уонна доруобуйаларынан хааччахтаах оҕолорго аналлаах оҕо былаһааккатыгар туһуланар 4-с төгүлүн ыытыллар сүүрүү аахсыйатын биллэрэн, улууспутугар кыттыһан Кытаанах нэһилиэгэр эмимэ сүүрэн-хааман аахсыйаҕа, бастыҥ общественницабыт Ксения Николаевна Гоголева көҕүлээһининэн кытынныбыт. Үс эрээтинэн сүүрүүгэ, бастакы саҕалыыр эрээккэ аҕа баһылыкпыт Иван Терентьевич Пономарев, Кытаанахтааҕы доруобуйаларынан хааччахтаах «Сыккыс» түмсүүтүн чилиэнэ Роман Максимов, колхознай-партийнай, сэбиэскэ, педагогическэй, үлэ бэтэрээнэ, Кытаанах, Хайахсыт нэһилиэктэрин, Чурапчы улууһун Бочуоттаах гражданина, Кытаанах нэһилиэгин Ытык киһитэ, СӨ Ытык кырдьаҕаһа, нэһилиэкпит саамай аҕам саастааҕа Мотрена Семеновна Леонтьева стартаатылар.
Рома кэлээскэтин «Түһүлгэ» норуот айымньытын Дьиэтин дириэктэрэ Айталина Владимировна Пономарева анньан бу күҥҥэ, Ромаҕа улахан үөрүүнү бэлэхтээтэ.
Манна даҕатан эттэххэ куруук инники күөҥҥэ сылдьар норуот айымньытын кэлэктиибэ бүтүннүү суүүрүүгэ тахсан кыттыбыта биһирэнэр, Айталина Владимировнаҕа махтанабыт. Олохтоох депутаттартан Надежда Дмитриевна Барашкова, Айталина Владимировна Пономарева, Лена Александровна Пономарева, депутат да быһыытынан, тэрилтэ салайааччыларын да быһыытынан куруук көхтөөх кыттыыны ылалларын бэлиэтиэххэ наада. «Сыккыс» түмсүүгэ махтал (сал. Парасаковья Владимировна Новгородова) пенсионердар түмсүүлэригэр (сал.Любовь Николаевна Монгуш) уонна хас биирдии олохтооххо , кыттааччыга, онлайн да кыттыспыттарга барҕа махтал, доруобай, этэҥҥэ буолуҥ. Хонтуора таһыттан үөһэ улуу тренербит Дмитрий Петрович Коркин мэтириэтигэр тиийэн хаартыскаҕа түһүүнэн бу тэрээһиммитин түмүктээтибит.
«Харысхал» пуондата 2011 сыллаахха Саха сирин баһылыга Егор Борисов көҕүлээһининэн, өрөспүүбүлүкэ бөдөҥ бизнеһин өйөбүлүнэн үлэтин саҕалаабыта. Пуонда аата «оберег» эбэтэр «милосердие» диэн тылбаастанар, бу кини ис хоһоонугар олус сөп түбэһэр. Тэриллиэҕиттэн тэрилтэ дьоһун соругунан инбэлиит оҕолор дьиэ кэргэн иитигэр сайдалларыгар, бэйэлэрин көрүнэргэ уонна уопсастыбаҕа толору киирэллэригэр көмөлөһүү буолар.
Пуонда үгүс өҥөтө, ол иһигэр психологическай уонна быраап өттүнэн көмө, сынньалаҥы тэрийии, өрөспүүбүлүкэ бырабыыталыстыбатын сыаллаах субсидиятын суотугар босхо оҥоһуллар. Бастакы сылларыттан «Харысхал» бэйэтин инновационнай былаһаакка быһыытынан көрдөрбүтэ. Кини сүрүн бырайыага — «Чыычаах» диэн дьиэ кэргэн оскуолата — Саха сирин улуустарыгар киэҥник тарҕаммыт «социальнай франшиза» буолбута уонна Арассыыйатааҕы «Хотугу үтүө суол» бырайыакка тирэх буолбута.
Кэм-кэрдии аастаҕын аайы пуонда үлэтин географията уонна далааһына кэҥээн иһэр. Мирнэй куоракка «АЛРОСА» хампаанньа өйөбүлүнэн «Харысхал» социальнай-реабилитационнай киин саҥа дьиэтэ тутуллан үлэҕэ киирбитэ. Билигин бу — көмөнү оҥорор бүтүн экосистема. Инбэлииттэрдээх эдэр дьоҥҥо «Тирэх» диэн инклюзивнай киин үлэлиир. 2023 сыллаахха Потанин пуондатын, онтон 2026 сыллаахха Бэрэсидьиэн пуондатын гранын ылан, «Харысхал мастарыскыайдара» ситиһиилээхтик үлэлииллэр. Манна оҕолор керамика уонна сувенир оҥорон, ирдэнэр идэлэри баһылаан, бастакы хамнастарын аахсаллар.
Пуонда саҥа үлэ көрүҥнэрин киллэриигэ инники күөҥҥэ сылдьар. 2025 сыллаахха аутизмнаах 30 оҕоҕо АВА-терапияны ыларга үп хомуйар киэҥ хабааннаах аахсыйа тэриллибитэ, оттон «ФинRun» диэн благотворительнай сүүрүү курдук неформальнай тэрээһиннэр көмөлөрүнэн 126 тыһыынчаттан тахса солкуобай хомуллан, пуонда иитиллээччилэригэр адреснай көмө оҥоһуллубута.
Бүгүн «Харысхал» пуондата — былаас, бизнес уонна уопсастыба көдьүүстээх бииргэ үлэлэрин холобура. Тыһыынчанан саха дьиэ кэргэнигэр кини аҥаардас көмөнү биэрэр тэрилтэ эрэ буолбакка, дьиҥнээх эрэллэх тирэх буолар.
Сахаяна Иннокентьевна махталын биллэрдэ.
Благодарим за поддержку акции !
Все собранные средства будут направлены на организацию и проведение «Летняя площадка Харысхал» для детей с инвалидностью и ОВЗ при фонде «Харысхал»
С уважением,
Директор Благотворительного фонда «Харысхал» («Милосердие»)
Петрова Сахаяна Иннокентьевна
