«Кинигэ күүһэ»аахсыйа
«Кинигэ баар — бараммат баай», «Кинигэ — билии төрдө, кинигэ — үтүө доҕор». Чахчыта да хас биирдии кинигэ — кылаат, өй-санаа, билии, чувство кылаата. Ол туохтан да күндү кылаат. Элбэхтик кинигэ ааҕар киһи хайаан да ыраас санаалаах, киэҥ билиилээх, ситиһиилээх буолар. 2019 сылтан Саха Өрөспүүбүлүкэтин Национальнай библиотеката «Сила книги» диэн аахсыйаны сыл ахсын ыытар. Быйыл ахсыс төгүлүн ыытыллар тэрээһин өрөспүүбүлүкэҕэ Култуура сылыгар ананна. Аахсыйа сүрүн сыала — ааҕыыны көҕүлээһин, кинигэни киэҥ араҥаҕа тарҕатыы.Кытаанах нэһилиэгэ бу да сырыыга көхтөөхтүк кытынна. Нэһилиэкпитигэр бу аахсыйа тэриллиэҕиттэн биир да сылы көтүппэккэ араас киэбинэн ыытыллан кэллэ, ол курдук-:бастакы сылларга дьокутааттар остуоруйа аахпыттара.Салгыы учууталлар, салайааччылар, култуура үлэһиттэрэ кыттыбыттара.Ааспыт сылга «Сүүрэр кинигэ», Чуравпчыттан ыалдьыттардаах ыытыллыбыта. .Быйылгы Култуура сылыгар анаммыт тэрээһиҥҥэ, тыл култууратын айымньы нөҥүө тиэрдиигэ, «Түһүлгэ» норуот айымньытын Дьиэтин дириэктэрэ уонна олохтоох дьокутаат Айталина Владимировна Пономарева, советскай оҕо суруйааччыта, педагог, оҕолорго элбэх кэпсээннэр, сэһэннэр, арамааннар уонна хоһооннор ааптардара Валент на Александровна Осеева «Волшебное слово» кэпсээнин, быраас Алина Николаевна Попова, «Дьэдьэн» уонна «Кустук» Галина Иванова-Айтыына кэпсээннэрин, дьокутааттар ааттарыттан олохтоох тыа сирин модельнай библиотекатын сэбиэдиссэйэ Лена Александровна Пономарева, А,С.Пушкинтан «Өлбүт сарыабына уонна сэттэ бухатыыр» остуоруйаны аахтылар. Оҕолор көҕүлээһиннэринэн суога техниканы тохтотон аахсыйаҕа кытыннарыахха диэн буолла.бастакы массыына ааһан иһэрин тохтоттубут . Өр кэмҥэ баһылыгынан үлэлээбит Иван Петрович буолан биэрдэ, кини оҕолорго «Кыһын » тэттик кэпсээни аахта. Оҕолор истибит айымньыларыттан ыйытыктарга эппиэтээтилэр. Муҥутуур кыайыылааҕынан Айысхаан Неустроев 2 кылаас үөрэнээччитэ, 2-с миэстэ 3 кылаас үөрэнээччитэ Артем Пономарев, 3-с миэстэ . Бу курдук, «Сила книги» аахсыйа нэһилиэк олоҕор, ааҕыыга интэриэһи үөскэтиигэ улахан суолталаах. Кинигэни дорҕоонноохтук ааҕыы — үүнэр көлүөнэни иитиигэ, култуураны тарҕатыыга биир бастыҥ ньыма буолар. Аахсыйаҕа кыттыбыт салайааччыларбытыгар, дьокутааттарбытыгар махатлабытын тиэрдэбит, быыс булан, бириэмэ анаан кэлэн, үүнэр көлүөнэҕэ үтүө холобур буолан кинигэ аахпыккытыгар. Кыттыбыттарга махтанабыт чэгиэн буолуҥ!
Элбэхтэ ааҕыҥ, кинигэлиин доҕордоһуҥ!