Кыайыы лотуота
Кытаанахха, ыам ыйын 7 күнүн сарсыардата Улуу Кыайыы 81 сылын көрсө үгэс буолбут тэрээһиннэр саҕаланна. Бу аналлаах тэрээһиннэри, нэһилиэк култууратын үлэһиттэрэ «Кыайыы лотуота» күрэҕинэн саҕалаатылар.Күрэххэ үлэһиттэр көхтөөхтүк,интэриэһиргээн, сэрии кэминээҕи түгэннэри, сыыппаралары, чахчылары билэн, ыйытыктаргэ эппиэттээн Улуу Кыайыы туһунан өйдөбүлү чиҥэтэр викторинаҕа кытыннылар. Тэрээһин кэмигэр ааспыт сыллар геройдарын, тыыл бэтэрээннэрин, сэрии оҕолорун туһунан ахтан-санаан аастыбыт.Кыайыы лотуотун нөҥүө нэһилиэкпит бэтэрээннэрин, Кыайыыны уһансыбыт дьонун-сэргэтин өссө төгүл биир сомоҕо буолан ытыктыырга, төрөөбүт дойдуга тапталы, ытыктабылы иҥэрэри туһуланна. Нэһилиэк олохтоохторо бары биир киһи курдук Улуу Кыайыыга анаммыт тэрээһиннэргэ көхтөөхтүк кытталлара үөрдэр.САрсыардаттан "81- с Кыайыы" улахан кинигэ быыстапката турда.
Күнүһүн, Кыайыы күнүн тэрээһинэ Кыайыы былааҕын өрө таһаарыынан аһылынна.
Улуустааҕы оҕо киинин иһинэн үлэлиир «Мааны ыалдьыт» быраыйыак чэрчитинэн, Кыайыы олоҥхотун, олохтоох олоҥхоһуппут, Нерюнгрига ыытыллыбыт өрөспүүбүлүкэтээҕи Олоҥхо Ыһыаҕын олоҥхону толорууга кылаан кыайыылааҕа Сусанна Васильевна Лазарева толордо. Сусанна Васильевна «Дьулуруйар Ньургун Боотур» олоҥхону оруолларга арааран киһи истэн олоруох курдук умсугуутуулаахтык, итэҕэтиилээхтик толорон, истээччилэр куттарын таарыйда, оҕолор соһуйдулар, үөрдүлэр, олус болҕойон иһиттилэр.
