Оскуолабытыгар бибилэтиэкэ — мусуой аһылынна
В якутской тайге, где стерхи летят,
Где север сияет, и реки шумят,
Родился писатель, чья душа так светла,
Чьё имя — Далан, чья судьба тяжела.
Он детство провёл в тишине деревень,
Где труд и природа — основа всех дней.
Учёба, работа, учительский труд
—В них мудрость народа и предков приют.
Но годы суровы: репрессии, боль,
Но дух не сломить, не погасить роль
Писателя, гражданина, борца
—За правду, за свет, за родные сердца.
«Тыгын Дархан», «Глухой Вилюй» \
—В романах живёт якутский народ.
Он детям легенды, рассказы подарил,
Якутскую душу миру открыл.
Далан — это совесть,
Далан — это честь,
Его слово — правда, его слово — есть.
Пусть память о нём не угаснет вовек,
Великий писатель, якутский НАШ человек (земляк)
Кытаанахтар киэн туттар биир дойдулаахпыт,, норуодунай суруйааччы Василий Семенович Яковлев — Далан аатын сүгэр оскуолаҕа, кини 98 сылын көрсө бибилэтиэкэ-мусуой аһылынна.
Бу күн, нэһилиэк олохтоохторугар, Далан айар үлэтин сүгүрүйээччилэригэр уонна оскуола үөрэнээччилэригэр барыларыгар чахчы бырааһынньыктыы күн буолла. Ытык киһибит баай нэһилиэстибэтин хаҥыырыгар кыргыттара, Ольга, Лолита Васильевналар, Дьокуускайтан, Австралияттан күүс-көмө буолан, хомуйан бэлэх ууммуттарынан бэртээхэй библиотека- мусуой аһылынна.
Иван Иванович Коркин дириэктэрдээх оскуолабытыгар өрүү буоларын курдук, бу үөрүүлээх күн, оскуолаҕа киирии ааҥҥа турар суруйааччы бүүһүгэр, бас-көс дьоммут уонна “Дьикти саас” персонажтара сибэкки дьөрбөтүн уурууларыттан саҕаланна
Дириэктэри үөрэх чааһыгар солбуйааччы Мария Андреедвна хайдах быһыылаахтык ыытыллыахтын тып-тап далбы тутан, солбуллубат диктор Туяра Васильевна Борисова салайыытынан олус үрдүк таһымҥа ааста. Аан айаҕыттан бэтэрээ холга кэлиигэ сахалыы таҥастаах 1 кылаастан 11 кылааска дылы уолаттар Василий Семенович олоҕуттан хоһоонунан монтаж ааҕыылара болҕомтону тарта. Ол кэннэ “Ийэ тыл түмсүү” (бэрэссэдээтэл О.Р.Аржакова) алгыстаах алаадьынан айах туттулар.
Эҕэрдэ тылын “Кытаанах нэһилиэгэ” тыа сирин түөлбэтин баһылыга Иван Терентьевич Пономарев оҕолорго, учууталларга анаата, “Илин эҥэр эдэр бастыҥ учуутала — 2026” муҥутуур кыайыылааҕын Александр Кардашевскайы эҕэрдэлээн махтал суругун туттарда.
Дьэ, ол кэннэ,олус долгутуулаах, соһуччу түгэнинэн аҕа баһылык биир олус суолталаах, сыаналаах, раритет остуолу мусуойга туттарда. Бу Далан дьонун сайылыктарыттан кэлбит остуол буолан биэрдэ. Онон дьоһун бэлэх, библиотека мусуойга биир дьоһун миэстэтин булла.
Библиотека мусуойу аһарга, аалай лиэнтэни быһарга, оскуолабыт дириэктэрэ Иван Иванович, библиотекарь Галина Михайловна Аммосова уонна оскуола лидерэ Арылхан Пономарев дохсун ытыс тыаһынан ыҥырыллан быстылар
Парламент чилиэнэ, оскуола бастыҥ общественнигэ Айсен Терютин оҕолор ааттарыттан В.С.Яковлев-Далан аатын чиэстээхтик өрө тутан үөрэниэхпит диэн мэктиэ тылын эттэ. Кытаанахтааҕы “Түһүлгэ” норуот айымньытын Дьиэтин дириэктэрэ Айталина Владимировна Пономарева эҕэрдэлээтэ, оҕолорго үчүгэй үөрэҕи, үлэһиттэргэ элбэх ситиһиилэрдээх үлэни баҕарда.
Ол кэннэ ыалдьыттар библиотека мусуойу көрө, оҕолор Далан уруоктарынан тарҕастылар.
Людмила Ивановна Монастырева түһэриилэрэ
«Дьикти саас» оҕолоро айымньы нөҥүө эргиллэ туруохтара…
