Кытанахская модельная библиотека

Кыайыы 80 сылынан оҕолорбут сонуннарыттан

 Оҕону кыра сааһыттан патриотическай өйгө-санааҕа, тыыҥҥа иитии дойду үрдүнэн оскуола үлэтин биир сүрүн хайысхатынан буолар. Улуу Кыайыы 80 сылын көрсө нэһилиэкпититтэн саҕалаан патриотическай хабааннаах араас дьаһаллар тэриллэн ыытыллаллар. Ол курдук, күн бэҕэһээ, Социалистическай Үлэ Дьоруойа Роман Иннокентьевич Константинов аатынан Амма орто оскуолатыгар «Снежный барс» байыаннай-патриотическай күрэх быйыл, Кыайыы 80 сылыгар уонна РСФСР үөрэҕириитин туйгуна, үлэ бэтэрээнэ, начаалынай байыаннай бэлэмнэнии (НВП) учуутала Егоров Назар Назарович кэриэстэригэр ананна. В.С.Яковлев Далан аатынан Кытаанах орто оскуолатын, Айсен Терютин хамандыырдаах, атах оонньууларыгар уонна чэпчэки атлетикаҕа СӨ спордун маастара, чэпчэки атлетикаҕа Россия спордун маастарыгар кандидат, Дальнай Восток Хабаровскай куоракка чемпиона, Первенство России 60 м финалиһа, Амма 7-с тыа сирин оонньууларын күрэҕэр 100 м 2-с миэстэлээҕэ, өрөспүүбүлүкэ чэпчэки атлетикаҕа чемпионатын чемпиона, призера, Чурапчы улууһун рекордсмена, физкультура учуутала Петр Алексеевич Бабиченко салайааччылаах хамаандата быйыл III — с миэстэни ылан, үөрүү, кыайыы өрөгөйүн биллиллэр. Оскуолабыт 7-11 кылааска дылы бастыҥ спортсменнара, активистара бары биир киһи курдук хомуллан, дьаныһан миэстэҕэ таҕыстылар. Онон эдэр учууталга Петр Алексеевичка махтанабыт, оҕолорбутугар эҕэрдэбитин аныыбыт, инникитин ситиһиилэри , өссө инники хардыылары оҥороллоругар баҕа санаабытын тиэрдиэҕиҥ.