Тоҕус хомсомуол сырдык кэриэһигэр- Тоҕус холкуос сыдьааннарын көрүҥ-сэргээҥ
Комсомол куруук ыччаты физическэй (эт-хаан) иитии боппуруостарыгар болҕомтотун уурара. ЫБСЛКС Устаабыгар хас биирдии комсомолец «бэйэтин эт- хаан өттүнэн сайыннарар, спордунан дьарыктаныахтаах»диэн этиллибитэ. Коммунистическай партия комсомолец иннигэр маассабай спортивнай хамсааһыны күүстээхтик ыытар соругу туруорбута. Ону элбэх холобурдарынан уонна чахчыларынан бигэргэтиэххэ сөп. Комсомол 1931 сыллаахха «үлэҕэ уонна оборонаҕа» физкультурнай комплекс тэриллиитин көҕүлээччинэн буолар, комсомол күннээҕи тэрийэр үлэтинэн уонна олоххо киллэриинэн утумнаахтык дьарыктаммыта. Мантан саҕыллан, Кытаанах нэһилиэгэр, Комсомол 105 сааһын көрсө ”Өлбөөдүйбэт өйдөбүл” дьоро күн оччотооҕу матыыпка тирэҕирбит хамсаныыларынан саҕаланнна, улуус бастакы комсомолецтара нэһилиэкпит киэн туттуута буолан “Тоҕус хомсомуолбут сырдык ааттарыгар 9 холкуос сыдьааннара бу күн “Эн комсомол – мин дьолум” өркөн өйгө илин кэлин түһүстүлэр. Бу холкуос сыдьааннара ох курдук оҥостон, оччотооҕу кэм тыынын киллэрэрдии тэринэн кэлбиттэрэ, чахчы да дьоннорун санаан, оччотооҕу кэм тыынын илэ биэрдилэр. Кытаанах нэһилиэгиттэн “Эдэр ыччат”, “Бойобуой”, “Кыһыл сэрииһит”,”Ярославскай”, Танда Бахсы нэһилиэгиттэн “ Кыһыл Танда ”, “Каганович” ыччаттара, сыдьааннара холкуостарын аатын табличкаҕ тутан хааман киирэн эҕэрдэ тылларын эттилэр. Саамай аҕам саастаах хомсомуол колхознай партийнай үлэһит Мотрена Семеновна Леонтьева кэс тылын тиэртэ. Түмүккэ Кыһыл Танда холкуос сыдьааннар 1 миэстэ, Кагановичтар 2миэстэ, Ярославскай сыдьааннар 3 миэстэни ыллылар. Дьүүллүүр сүбэҕэ В.С.Яковлев-Далан аатынан Кытаанахтааҕы орто оскуола директорын үөрэх чааһыгар солбуйааччы Галина Михайловна Аммосова, Кытаанахтааҕы “Үйэн” дьахтар сэбиэтин бэрэссэдээтэлэ Ксения Николаевна Гоголева үлэлээтилэр. Онтон эн, күндү ааҕааччы Оҕо, эдэр саастарын биир бэлиэ түгэннэринэн –Ыйытыкка эппиэттээ, бэйэҕин тургутун:
- ЫБСЛКС диэн уһатыыта (расшифровката) туох диэний?
- Комсомол хаһан тэриллибитэй, хас чилиэннээҕэй?
- Комсомол бастакы аата?
- Комсомол хаһан Ленинскэй диэн ааттаммытай?
- Комсомол ВЛКСМ, ЫБСЛКС диэн аббревиатурата бүтэһиктээхтик хаһан буолбутай?
- Комсомол муҥутаан хаһан, хас чилиэннэнэ сылдьыбытай?
- Комсомол хас, ханнык, хаһан, туох иһин орденынан наҕараадаламмытай?
- Комсомол хаһан тохтообутай?
- Саха сиригэр бастакы комсомольскай ячейкалар, тэрилтэлэр хаһан баар буолбуттарай?
- Комсомол саамай кэнники охсуулаах тутуутун аата, хас сыллардаахха тутуллубутай?
- Саха комсомолун икки кэнники охсуулаах тутуулара ханныктарый, хас сыллаахха этэй?
- Пионерия, комсомол, партия кимнээҕи салайар, иитэр этилэр?
- Октябренокка, пионерга, комсомолга хас саастарыгар ылалларай? Комсомолга киирэргэ ханнык докумуон ирдэнэрэй?
- Комсомолга ханнык тэрилтэ ыларай?
- Комсомол үлэ ресурсатыгар, үлэһит илиинэн хааччыйыыга туох оруоллааҕай?
- Комсомолец, оҕо суруйааччыта, Гражданскай уонна Аҕа дойду сэриилэрин кыттыылааҕа кимий?
- Комсомолецтар тустарынан Н.А. Островскай ханнык романы суруйбутай?
- Өр кэмҥэ саха радиотынан бэриллибит ыччакка аналлаах биэрии?
- Комсомол бириэмийэтин бастакынан ханнык нуучча суруйааччыта ылбытай?
- Бу ырыа тылларын ким суруйбутай: «Бары сир үрдүгэр күн буолан, күлүмнүүр Советскай дойдуга, сааскы күн сүүрүктүү кутуллар, комсомол бойобуой тойуга«?
- Саха 17 комсомолеһа ханна, хайдах өлбүттэрэй?
- «Аан дойду ыччатын сүрэҕэ» ырыаны кимнээх суруйбуттарай?
- Саха комсомолун бириэмийэтин бастакы лауреата кимий, туох иһин биэрбиттэрэй?
- Фёдор Лобанов комсомол туһунан аатырбыт ырыата?
- Комсомол үрдүкү органа
- Комсомольскай кэмитиэт чилиэннэрин эбээһинэс үллэстиилэрэ хайдах этэй?
- Комсомол Устаабыгар “демократическай централизм” диэн тугуй?
- Комсомол ытык иэһэ?
- Саха комсомолун 1960-1980 сс. охсуулаах бачыыма туох этэй?
