Кытаанахха Сомоҕолоһуу
Сэтинньи 2 күнүгэр Кытаанах уонна Арыылаах үөрэнээччилэрэ доҕордоһуу истиҥ көрсүһүүүлэрэ бу олус суолталаах сүдү энергетикалаах күн Кытаанахха буолан ааста. «Түһүлгэ» норуот айымньытын Дьиэтин уус-уран салайааччыта Любовь Николаевна Монгуш оҕолору алгыһынан көрүстэ, сэтинньи ый туомнарын билиһиннэрдэ, онтон методист Альбина Эдуардовна оһуохайынан уруйдаан илии-илиилэртэн ылсыһан өбүгэбит оһуохайын дьиэрэттибит. Дьэ онтон Сомоҕолоһуу бырааһынньыга хантан, хайдах үөскээбитин, хас сылтан бэлиэтиирбитин, суолтатын библиотекарь Лена Александровна билиһиннэрдэ, онтон оҕолор бэйэлэрин билсиһиилэрэ, эҕэрдэ нүөмэрдэрэ, ол кэннэ 5 станциянан 5 модератордаах квест оонньуу ыытылынна. оҕолор олус көхтөөхтөр, бэһиэлэйдэр.
