Библиотека күнүгэр 3 аахсыйа
Аныгы бибилэтиэкэ хайдах буолуохтааҕый? Быдан кэмнэртэн силис тардар, билиини, информацияны биэрэр үнүстүтүүттэн кини туох уратылааҕый? Уонунан эрэ сыллар анараа өттүлэригэр бибилэтиэкэ сүрүн соругунан информацияны харайан уура сылдьан, ааптартан ааҕааччыга тиэрдии эрэ этэ. Бүгүн ыллар хардыынан сайда турар техническэй прогресс туох баар тэрилтэлэргэ барыларыгар, ол иһигэр бибилэтиэкэлэргэ эмиэ, бэйэтин уларытыыларын киллэрэр. Биллэрин курдук, бүгүҥҥү ааҕааччы баһыйар үксэ интернеккэ быһа тахсар гаджеттаах. Google биирдэ-иккитэ баттаатыҥ да – хайа баҕарар кэриэтэ ыйытыыгар хоруй ылыаххын сөп. Ону таһынан, баар сыһыарыыларынан киирэн, интернеты туһанааччылары кытта бэйэҥ уопуккун үллэстэр кыахтааххын. Дьэ, ол иһин, аныгы бибилэтиэкэ бэйэтин ааҕааччытыгар, бибилэтиэкэттэн атын сиргэ ханна даҕаны суоҕу эмиэ биэрэ сатыахтаах. Манна киириэхтэрин сөп: интернеккэ баар информация киһи ирдэбилигэр толору кыайан эппиэттээбэт буоллаҕына, уустук ыспыраапкалары булан биэрии; кыраайы үөрэтиигэ аналлаах, интернеккэ суох кэриэтэ информациялары биэрии; интернет ааҕааччыга хаһан даҕаны биэрэр кыаҕа суох эмоциональнай өрө көтөҕүллүүнү үөскэтэр араас интеллектуальнай викториналар, оонньуулар, араас хабааннаах аахсыйалар, уо.д.а. тэрээһиннэр. Уонна саамай сүрүнэ, аныгы бибилэтиэкэ, бу — дьон бэйэ-бэйэтин кытта быһаччы алтыһар сирэ. Оннооҕор, өскөтүн көннөрү көрөөччү-истээччи да быһыытынан кэлэн олорор буоллаҕына, кини — буола турар тэрээһин кыттыылааҕа.
Информационнай технологиялар күүскэ сайда турар кэмнэригэр, олоҕу кытта тэҥҥэ хардыылаан, биһиги бибилэтиэкэбит Интернет-ресурсаларга эмиэ бэйэтэ миэстэлээх. Сайттаахпыт, социальнай ситимнэргэ страницалардаахпыт. Ол аата, ааҕааччыбыт ханна баар да – онно биһиги баарбыт.
Библиотека күнүн Кытаанахха 2007 сыл тан бэлиэтиибит, улахан да дьоҥҥо, оҕолорго да сыл ахсын темалара уларыйан, сиидэс баала, тэрилтэлэринэн интеллпектуальнай оонньуулар, умники, умницы, поле чудес, что, где, когда, где логика, подмосковные вечера, аҕас – балыстыылар, дьикти дьарыктаах коллекциогердар, куолаан хоһоон ааҕыыта, хоһоонунан 2 звезды уонна да атын формалаах элбэх тэрээһиннэр ыытыллан кэллилэр. Онтон быйылгы Общество олоҕор улахан оруолу оонньуур, хас биирдии киһиэхэ ааҕыы культуратын үрдэтэр, тус бэйэтэ сайдарыгар көмөлөһөр сыаллаах Арассыыйа библиотекааларын күнүн көрсө нэһилиэкпитигэр, өрөспүүбүлүкэбитигэр “Оҕо саас сылынан” интеллектуальнай , арассыыйатааҕы “Сүүрэр кинигэ” аахсыйаҕа алын кылаас уонна орто сүһүөх үөрэнээччилэрэ велосипедтаах кытыннылар, акция чэрчитинэн Ева Бабиченко бүгүҥҥү тэрээһин ыалдьытыгар кэккэ ыйытыктары биэрэн, таба эппиэтин иһин бирииһин туттарда. Бу күн, Саха сиригэр регионнар икки ардыларынааҕы «Кинигэ күүһэ» аахсыйа буолла, онно алын кылаас оҕолоро, орто сүһүөх үөрэнээччилэрэ кытыннылар.Ааҕыыны көҕүлүүр сыаллаах балаһаакка оҕолор, төрөппүттэр, учууталлар болҕомтолорун тардар сыаллаах Чурапчыттан ыҥырыылаах ыалдьыттардаах тэрилиннэ. Оҕолорго тэттик кэпсээннэри ааҕаары анаан-минээн кэлбит ыалдьыттар оҕолорго саамай сөбүлүүр кинигэлэриттэн быһа тардан ааҕан иһитиннэрдилэр. Аахсыйа дьоруойдара — улууустан “Саха тускута” түмсүүтүн бэрэстэбиитэллэрэ.
Санатан эттэххэ, аахсыйа аан бастакытын 2019 сыллаахха буолбута, онно Ил Дархан Айсен Николаев бэйэтин сөбүлүүр кинигэтиттэн ааҕан иһитиннэрбитКэлин аахсыйа киэҥник тарҕанан Крым өрөспүүбүлүкэтэ, Карелия уонна Коми, Сахалин, Приморскай кыраай, Новосибирскай, Архангельскай уобаластар кыттыыны ылаллар, аахсыйа сыл ахсын географията тэнийэн иһэр. Бу күммүт үһүс аахсыйата көмө аахсыйа, ол курдук, Намҥа ууга барбыттарга аналлаах көмө –акцияны Марфа Петровна Парфенова салайааччылаах пенсионердар түмсүүлэрэ тэрийэн бэйэлэрин кылааттарын утары ууннулар.
Бүгүн күҥҥэ Кытаанахха кэлбит ыалдьыттарбытыттан биирдэстэрэ, дьоҥҥо –сэргэҕэ биллэринэн Үрүҥ Үйэн — Вероника Маркова, дьыл кэмнэригэр төрүт үгэстэргэ олоҕуруу диэн лпекциятынан эмтээх оту күннээҕигэ туһаныыны билиһиннэрдэ, кэпсээтэ. Чурапчыбыт ото-маһа күүстээҕин, иҥэмтиэлээҕин илэ көрдүбүт — иһиттибит. Онтон тымныы эккэ-сииҥҥэ туһатын, бэйэтин нууччалыы эттэххэ моржалыыр , уонна куйаар ситимин дьайыытын, эргиирин лоп курдук быһааран кэпсээтэМындыр Куйаар Таппааһай уола. Бу икки айылҕа ситимнэрин уйулҕаһыт Николанна Бушуева бэйэ тэтимин сөпкө тутан тас эйгэлиин дьүөрэлэһии кэпсээнинэн ситэрэн биэрдэ.
Оҕолорбут кыл түгэнэ бэриллибит дуоһуйууну хоһоонунан түмүктүүбүт:
Сүүрэр көтөр оҕо саас
Орой-мэник дьикти саас
Ахтыллан ааһар умнуллубат саас
Оҕо саас-дьоллоох саас!
Ырыаҕа ылланар оҕо саас Х
оһооҥҥо хоһуллар мааны саас
Оһуорга ойууланар оһуор саас
Олоххо бэриллэр-дьоллоох саас!
Тапталга ахтыллар,
Таптал саас Дьолго бэлэхтэнэр,
Дьол саас Куйаарга дуорайар,
Куйаар саас Өйтөн сүппэт-дьоллоох саас
