КЫТААНАХ КИЭН ТУТТАР СПОРТСМЕННАРА: ПРОФСОЮЗТАР СПАРТАКИАДАЛАРЫТТАН КЫАЙЫЫЛААХ-ХОТУУЛААХ!
Бүгүн, Арассыыйа күнүгэр, РФ Профсоюзнай тэрилтэлэрин икки ардыларынааҕы өрөспүүбүлүкэтээҕи спартакиадаттан сонуннар.
Дьокуускай к.
— Бэс ыйын 5-7 күннэригэр, Дьокуускай куоракка, Профсоюзтар V өрөспүүбүлүкэтээҕи спартакиадалара үрдүк таһымнаахтык ыытыллан ааста. Бу улахан тэрээһиҥҥэ Кытаанах нэһилиэгиттэн икки спортсмен кыттан, улуус чиэһин чиэстээхтик көмүскээн, иккиэн кыһыл көмүс мэтээли иилинэн, үрдүк ситиһиилээх эргилиннилэр.
Биһиги бэргэн ытааччыбыт, спорт маастара Аржаков Роман Михайлович, буулдьалаах саанан ытыыга тэҥнээҕин булбата. Д.П. Коркин аатынан Чурапчытааҕы ЧРСШИОР талааннаах тренерэ, СӨ Спорт министиэристибэтин хамаандатын састаабыгар киирэн, бэйэтин бөлөҕөр бастакы миэстэни ылан, кыайыы үөрүүтүн биллэ. Роман Михайлович уопуттаах спортсмен, бэргэн харахтаах ытааччы буоларын өссө төгүл дакаастаата. Рома буулдьалаах саанан ытыыга СӨ спордун маастара, Арассыыйаҕа бу көрүҥ спордун маастарыгар кандидат.
В.С. Яковлев-Далан аатынан Кытаанах орто оскуолатын физкультураҕа учуутала, өрөспүүбүлүкэ биир күүстээх, быһый атахтааҕынан биллэр спортсмена Бабиченко Петр Алексеевич, Кини Үөрэхтээһин хамаандатын чиэһин көмүскээн, чэпчэки атлетикаҕа күрэхтэспит көрүҥэр хамаанданан бастакы миэстэни ылан, кыһыл көмүс мэтээлинэн наҕараадаланнылар. Петр Алексеевич эдэр көлүөнэни иитэр-үөрэтэр учуутал быһыытынан, бэйэтин холобурунан оҕолорго, ыччакка спортка тардыһыыны үөскэтэрэ хайҕаллаах.
Уолаттар ккиэн бэйэлэрин хамаандалара инники күөҥҥэ тахсарыгар сүҥкэн кылааты киллэрсибиттэрэ, олук уурсубуттара бэлиэтэнэр, улууспутуттан талыллан барыылара да элбэҕи этэр. Бу курдук, Кытаанах нэһилиэгин аатын өрөспүүбүлүкэ таһымыгар таһааран, үтүө холобуру көрдөрдүлэр. Уолаттарбыт куруук инники күөҥҥэ сылдьар Кытаанах нэһилиэгэ киэн туттар, холобур оҥостор уолаттара, иккиэн да сайаҕастара, элэккэйдэрэ, саастаах дьоҥҥо ытыктабыллаах сыһыаннара, ыччат дьоҥҥо холобур буолар. Рома олохтоох Кытаанах, Петя хлту дойду хоһуун уола, уолаттар иккиэн доҕордуулар, өрүүтү бэйэ-бэйэлэригэр көмөлөсүһэллэр, өйөһөллөр. Уолаттарбыт, эрэллэрбит инникитин да дойдугут былааҕын күөрэччи тутан инники күөҥҥэ сылдьыҥю
Онон, биһиги спортсменнарбытын, Роман Михайловиһы уонна Петр Алексеевиһы, бу чаҕылхай кыайыыларынан ис сүрэхпититтэн эҕэрдэлиибит! Инникитин даҕаны үлэҕитигэр-хамнаскытыгар, спортивнай олоххутугар үрдүктэн үрдүк ситиһиилэри, таһаарыылаах үлэни уонна саҥа кыайыылары баҕарабыт! Эһиги ситиһиигит – эдэр көлүөнэҕэ уонна нэһилиэккэ киэн туттуу, үтүө холобур.
Арассыыйа күнүнэн, Арассыыйа олохтооҕо, бу аллараа баар викторинаны таай, оонньоо, эппиэтин ыыт:
- РСФСР суверинитетын туһунан Декларация хас сыллаахха ылыллыбытай?
А)1990
Б) 1989
В) 1992
- ″Арассыыйа күнэ″ бырааһынньык хас сыллаахтан бэлиэтэнэрий?
А) 2001
Б) 1995
В)1992
3. Бу бырааһынньык ″Арассыыйа күнэ″ диэн хас сыллаахха ааттаммытай?
А) 2000
Б) 1998
В) 2002
4. Арассыыйаҕа хас куорат баарый
А) 2001
Б)1117
В) 809
5. Арассыыйа хас субъектан турарый?
А)85
Б) 90
В) 101
6. Арассыыйаҕа хас национальнай республика баарый?
А) 31
Б) 22
В) 45
7. Арассыыйаҕа быһа холоон хас араас омук олороруй?
А) 200
Б) 305
В)190
8. Дойду үрдүнэн нуучча кэнниттэн иккис элбэх ахсааннаах омук ханныгый?
А) Сахалар
Б) Татаардар
В) Бүрээттэр
9. Арассыыйаҕа кыра ахсааннаах омуктарга киирсэр хас норуот баарый?
А) 53
Б) 47
В) 38
10. Арассыыйаҕа кыра ахсааннаах омуктарга киирсэр хас норуот баарый?
А)сахалар,
Б) Бүрээттэр,
В) Татаардар,