«Оһуордаах оһуохай олоҕум аргыһа»
Оһуохай этээччилэр өрөспүүбүлүкэтээҕи түһүлгэлэрэ ытык Таатта сиригэр буолан ааста. Күрэх икки бөлөххө арахсан ыытылынна. Үтүөлээх этээччилэр уонна саҥа саҕалааччылар.
Чурапчы улууһуттан Семен Морфунов-Чурапчы, Валентина Дьячковская-Болтоҥо, Нарыйаана Николаева — Хайахсыт, Василий Копырин — Кытаанах нэһилиэгиттэн ситиһиилээхтик кытыннылар.
Күрэх түмүгүнэн иккис бөлөххө, биир дойдулаахпыт Кытаанах кыыһа, Болтоҥо олохтооҕо Валентина Ивановна Дьячковская Кылаан Кыайыылаах үрдүк аатын ылла уонна ньирэй бэлэх тутта, маны таһынан Өрөспүүбүлүкэтээҕи оһуохай сүбэтин быһаарыытынан Валентина Ивановна Саха Өрөспүүбүлүкэтин үтүөлээх этээччитэ диэн түөскэ кэтиллэр бэлиэлээх таһымы ылары ситистэ. Бу дьоһун кыайыытынан биир дойдулаахтара кыыспытын ытыс дохсун тыаһынан эҕэрдэлиэҕиҥ.
Үтүөлээх этээччилэр бөлөхтөрүгэр, аны ыаллыы стыар арыылаахпыт нэһилиэгиттэн. ытыктыыр, элбэх көлүөнэни эт-хаан өттүнэн, иитэн таһаарбыт, спортка кынаттаабыт ССРС спордун маастара, ССРС эдэрдэргэ чемпиона, Саха Өрөспүүбүлүкэтин Н.Н. Тарскай бирииһин икки төгүллээх чемпиона, элбэх турнирдар кыайыылаахтара, Саха Өрөспүүбүлүкэтин физическэй култуураҕа уонна спорка үтүөлээх үлэһитэ, Россия физическэй култуураҕа уонна спорка туйгуна, Чурапчы улууһун, Арыылаах нэһилиэгин Бочуоттаах гражданиннара Семен Семенович Морфунов «Хомоҕой тыллаах оһуохайдьыт» диэн анал ааты ылары ситистэ.
Таатта дьоно-сэргэтэ олус үчүгэйдик, сахалыы сайаҕастык көрсөн арыылаах салаамаатынан, алаадьынан, кыынньар кымыһынан бука бары күрэх кыттыылаахтарын, ыалдьыттарын күндүлээтилэр. Истиҥ эйгэлээх дьоһун түһүлгэни төрүттээтилэр
сиһилии Кытаанахтааҕы «Түһүлгэ» норуот айымньытын Дьиэтин сайтыгар ааҕыҥ
Кэпсээ, туох сонун?…
https://kytanax-tyhylge.ru/news/item/323