«Түһүлгэ кыргыттара»
Бүгүн, балаҕан ыйын 9 күнүгэр, Кытаанахтааҕы «Түһүлгэ» норуот айымньытын Дьиэтин Айталина Владимировна Пономарева дириэктэрдээх коллектива үлэтин сезонун уратытык арыйда. Сарсыардатын мунньахтаан, үлэ былаанын кэпсээн, ырытыһан баран, эбиэттэн киэһэтин отонноотулар. бу көннөрү отоннооһун буолбакка, биүиги кулууппутугар 30 сыл дириэктэрдээбит Николай Васильевич Захаровка, колхуоһунай -партийнай бэтэрээммитигэр Матрена Семеновна Леонтьеваҕа, сааһын тухары оҕо иитиитигэр, үөрэхтээһиҥҥэ олоҕун анаабыт Мария Прокопьевна Захароваҕа, эмиэ нэһилиэкпит Бочуоттааҕар, үрүҥ илэгни үрүлүппүт байыаска, библиотека бастыҥ ааҕааччытыгар Анастасия Васильевна Парфеноваҕа, кулууп кыргыттара 5-лии отону үргээн, ыраастаан киллэрэн туттаран, ытык дьоммут махталларын ыллыллар, үлэлэрин сезона саҕаламмытынан ситиһиилээх үлэни баҕардылар, куруук дьоҥҥутун-сэргэҕитин маннык үөрдэ, этэҥҥэ сылдьыҥ диэн алҕаатылар, мааны тыл бастыҥын анаатылар.
