Кытанахская модельная библиотека

Арассыыйа судаарастыбаннай оҕо библиотеката сылын ахсын «Символы России» диэн олимпиаданы ыытар. Олимпиада икки түһүмэҕинэн ыытыллар. Бастакы түһүмэҕи ааспыт оҕолор иккис түһүмэххэ кытталлар. Быйыл Чурапчы улууһугар иккис түһүмэххэ алта нэһилиэктэн, аҕыс оскуолаттан барыта 58 оҕо ааспыта. Иккис түһүмэх тохсунньу 30 күнүгэр Оҕо библиотекатыгар ыытыллыбыта. Манна барыта 52 оҕо кыттыыны ылбыта. Биһиги, В.С.Яковлев-Далан аатынан Кытаанах орто оскуолатын (дириэктэр И.И.Коркин, дириэктэри үөрэх чааһыгар солбуйаыыччы М.А.Федорова) үөрэнээччилэрэ кылаас салайааччыларын ыйыытынан кыттыыны ылбыттара, ол түмүгэр 4 оҕо ааспыта, түмүктүүр түһүмэххэ, биэтэккэ үс үөрэнээччибит таҕыстылар. Түгэнинэн, туһанан кылаас салайааччыларыгар Наталья Николаевна Игнатьеваҕа, Александра Григорьевна Борисоваҕа, Паша Борисовна Собакинаҕа махталбытын тиэрдэбит. Кимнээх кыайыылаах буолбуттарын сигэнэн киирэн ааҕыҥ

detskaya.churlib.ru