Сэтинньи 28 күнүгэр, «Мама, папа — вместе мы сила» Чурапчытааҕы А.К.Софронов аатынан спортивнай саалаҕа доруобуйаларынан хааччахтаах оҕолор төрөппүттэрин кытта өрөспүүбүлүкэтээҕи спортивнай күрэхтэһиилэрэ буолла. Биһиги, «Сыккыс» доруобуйаларынан хааччахтаах түмсүү (салайааччы Парасковья Владимировна Новгородова) аатытыттан Алик афанасьев ийэтинээн Альбина Эдуардовналыын, аҕатынаан Иван Савельевичтыын кыттан, үөрүү өрөгөйүн биллилэр, нэһилиэктэрин ааттаттылар. Түгэнинэн туһанан, төрөппүттэргэ барҕа махталбытын тиэрдэбит. Бастакы бөлөххө үһүс миэстэ — Намтан Винокуров Артем төрөппүттэринээн (турник 2 в 1); иккис миэстэ — Амматтан Неустроев Мирослав дьонунаан (оҕо спортивнай комплега); өрөгөйдөөх бастакы миэстэни — Чурапчы Кытаанаҕыттан Афанасьев Альберт дьиэ кэргэнинээн буоллулар (оҕо шведскай стенката «Атлет»). Кыайыылаахтарга диплом, сыаналаах бириистэр туттарылыннылар. Аммосов Артур хамаандатыгар биһирэбил бириис истиэнэ турнига уонна туоһу сурук ананна. Иккис бөлөххө үһүс миэстэ — Мэҥэ-Хаҥаластан Егоров Андрей хамаандата (турник 2/1); иккис миэстэ — Намтан Матаннанов Артем дьонунаан (оҕо спортивнай комплега); бастакы миэстэ — Амматтан Артемьева Милана төрөппүттэринээн (оҕо спортивнай комплега) буоллулар. Тааттаттан Макарова Алена хамаандатыгар биһирэбил бириис истиэнэ турнига уонна туоһу сурук туттарылынна.
