КликКлак дьыалабыай сэһэргэһии
Алтынньы 11 күнүгэр, кыргыттар күннэринэн орто уонна улахан сүһүөх кылаас кыргыттарыгар “КликКлак” дьыалабыай сэһэргэһии буолан ааста. Тэрээһиҥҥэ кыттыыны ыллыллар “Кытаанах нэһилиэгэ” МТ дьаһалтатыттан баһылыгы солбуйааччы, Ф.К.Попов аатынан “Сердце патриота” Бочуотунай бэлиэ хаһаайката Екатерина Иннокентьевна Скрябина, дьиэ-кэргэн уонна оҕо исписэлииһэ Луиза Константиновна Барашкова, уонна землеустроитель Степан Михайлович Прохоров, “Түһүлгэ” норуот айымньытын дьиэтин уус-уран салайааччыта, СӨ култууратын туйгуна, 20-чэ сыл кулууп директорынан үлэлээбит Любовь Николаевна Монгуш, РФ үөрэхтээһинин, СӨ үөрэҕириитин туйгуна, учууталлар учууталлара Екатерина Гаврильевна Андреева, В.С. Яковлев – Далан аатынан Кытаанах орто оскуолатын директорын Сүбэһитэ Людмила Ивановна Монастырева, библиотека дьиэтин сууйааччыта-сотооччута, ырааһы хааччыйааччыта, эбээ, хос эбээ Светлана Иннокентьевна Дьяконова. Бастакытын ыытыллар сонун дьаһалы Степан Михайлович ылбаҕай ырыатынан, Екатерина Иннокентьевна эҕэрдэтинэн арыллан оҕолор үөрүүнэн, дохсун ытыс тыаһынан көрүстүлэр. Толкуйдаммытын курдук кыттааччыларбыт ыалдьыттарын сыыппаралары талан киллэртээтилэр. Хас биирдии ыалдьыт бэйэтин түһүмэҕин олус үчүгэйдик, оҕоҕо тиийимтиэ гына, быыһыгар оонньуу-ыйытык бэрээдэгинэн,“Быраап уонна эбээһинэс” Екатерина Гаврильевна, “Күннээҕи режим” Любовь Николаевна, “Тас көстүү – ис турук культурата” тус гигиена түһүмэххэ сирэйи көрүнүүнү Екатерина Иннокентьевна кэпсээн, онтон оонньотон бириистэрин туттартаата, баттаҕы Людмила Ивановна, тыҥыраҕы Луиза Константиновна, уонна “Туһалаах сүбэ” кыыс оҕо иискэ кыратыттан сыстаҕас буола улаатарын ону тэҥэ уһуктаах маллартан сэрэхтээх буолары эбээлии судургутук өйдөттө. Онтон бу оонньуубутугар хас биирдии ыытааччы кэпсээн баран бэйэтин ыйыткытарын биэрэн таба эппиэттээбиккэ “тыҥырах” фишкаларын биэртэлээтилэр. Элбэх “тыҥыраҕы” хомуйан дьаһалбыт сүрүн бирииһин тыҥырах оҥотторууга буор-босхо сертификаты 11 кылаас үөрэнээччитэ Сайыына Лазарева тутта. Онтон бу бирииһи дьиэ-кэргэн уонна оҕо исписэлииһэ Луиза Константиновна Барашкова маастар быһыытынан, кыыс оҕо күнүнэн спонсордаата. Онон Луиза Константиновнаҕа улахан махталбытын этэбит. Сэһэргэһии кэнниттэн кыргыттар “Түһүлгэ” НАДь (директор Пономарева Айталина Владимировна) бэлэмнээбит фуршетыгар үөрдүлэр-көттүлэр. Онтон кинилэргэ анаан оформлениены Түһүлгэ НАДь исписэлииһэ Николай Суздалов оҥордо. Кыыс оҕо күнүгэр аналлаах “КликКлак” дьыалабыай сэһэргэһиигэ кыттыыны ылбыт, бириэмэлэрин аттаран, үлэлэриттэн быыс таһаарынан кэлбит ытыктыыр-убаастыыр ыалдьыттарбытыгар улахан махталбытын тиэрдэбит. Инникитин да бу курдук нэһилиэкпит оҕолоро, ыччаттара кыттыылаах тэрээһиннэргэ өссө да сүбэҕитинэн-амаҕытынан куруук бииргэ буолуҥ. Оҕолор кинилэргэ эрэ анаан администрация, оскуола, “Түһүлгэ” норуот айымньытын дьиэтин коллектива, салайааччылара ыллаан туойан, эҕэрдэлээн, кэпсээн, оонньотон ааспыттарын чахчы да олуһун астыннылар, үөрдүлэр. Бүгүҥҥү тэрээһин кыттыылаахтарыагр анаан, “Төрөөбүт түөлбэм Кытаанах” кинигэ быыстапката, “Кэрэчээнэлэрбитигэр ис сүрэхтэн” периодика быыстапкалар турдулар.
