Ылдьаа
Аҕа дойду Улуу сэриитин кыттыылааҕа Илья Михайлович Нестерев бүгүн төрөөбүтэ100 сылын туолла
А5а дойдуну көмүскүүр сэрии 2 истиэпэннээх уордьан кавалера, “Японияны Кыайыы иһин”, уонна “Германияны кыайыы иһин” мэтээллэр хаһаайыннара, Төрөөбүт Ийэ дойдутун, дьонун-сэргэтин, үүнэр көлүөнэ инники кэскилин туһугар сэрии ыар сылларыгар, кыа хаанын тоҕон сырдык олоҕу олорон ааспыт, Аҕа дойду улуу сэриитин кыттыылааҕа, Илья Михайлович Нестерев 1924 сыллаахха Чурапчы оройуонун Кытаанах нэһилиэгэр күн сирин көрбүтэ. Ийэтэ Марфа Степановна, бииргэ төрөөбүт түөртэр. Эдьиийэ Анастасия, балтылара Мария,Евдокия. “Бойобуой”колхоз чилиэннэрэ. Илья Михайлович =хомсомуоллаах. Кини сэрии иннинэ Алдан оройуонугар Дьабарыкы Хайаҕа шахтаҕа үлэлээбит, онтон 1943 сыллаахха , бэс ыйын 24 күнүгэр ыҥырыллыбыта. 255-с туспа Гаубичнай транспортнай ротаҕа сулууспалыы сылдьан, ЯЧпония сэриитигэр кыттан Хинган хайаларын туораабыта. Дойдутугар 1947 сыллаахха кэлбитэ. Булчут,сылгыһыт,биригэдьиир. Бүгүҥҥү дьоллоох олохпут кэлэрин туһугар сэриилэспит Илья Михайлович икки хараҥаны холбоон, итиини-тымныыны аахсыбакка үлүмнэһэ үлэлээн,Үчүгэй үлэлэрин, көрдөрүүлэрин иһин “В.И.Ленин төрөөбүтэ 100 сылынан килбиэннээх үлэтин иһин” уонна юбилейнай мэтээллэрдээх. Коммунистическай үлэ ударнига, Социалистичекай куоталаһыы кыайыылааҕа” бэлиэлэрдээх. 1997 сыллаахха ыалдьан өлбүтэ. Кэргэнэ Новгородова Матрена Ивановна, оҕолоро Зинаида,Михаил,Илья,Иван,Григорий,Матрена , Анастасия, Конон.
Оҕолоро барыы ыытыллар тэрээһиннэр сүрүн спонсордара, нэһилиэк олоҕун көхтөөх кыттааччылара.
Сэрии ыардарын эҥэринэн тэлэҥҥин дойдугар, төрүт буоргар эргиллэн төрөөбүт дойдуҥ, колхоһуҥ, совхоһуҥ экономиката бөҕөргүүрүгэр, социальнай-культурнай сайдыытын таһыма үрдүүрүгэр, ыччаты патриотическай тыыҥҥа иитиигэ, бойобуой үгэстэргэ үөрэтиигэ күн ахсын киллэрсэр кылаатыҥ иһин улахан махталларын биллэрэллэр. Эйиэхэ эйэлээх олоҕу тутууга, ыччаты үтүө үгэстэргэ уһуйууга ситиһиилэри, кытаанах доруобуйаны, уһун үйэни,олоххор дьолу – соргуну баҕараллар.
Биһиги бүгүҥҥү дьоллоох – соргулаах олохпутун өр сылларга активнайдык тутуспутун,көмүскээбитин, туругурдубутун иһин итии-истиҥ иэйиилээх махтал –баһыыба ыыталлар.
Аҕа дойду Улуу сэриитин ветераныгар, Ийэ дойдубут көҥүлүн саа-саадах тутан, уоту, буулдьаны утары кыргыс хонуутугар кыайыыны уһансыбыт саллаакка, бүгүҥҥү ыраас халлааммыт, дьоллоох олохпут иһин барҕа баһыыба. Эн үүнэр көлүөнэҕэ сэрии хонуутуттан төннүбэтэх аҕаларбыт, эһэлэрбит кэриэстэрин тиэрдээччи, советскай льон фроҥҥа халбаҥнаабат эр санааларын, холобура суох хорсун быһыыларын чаҕылхай туоһута, Улуу сэрии историятын тыыннаах страницата буолаҕын. Эйиэхэ, түөскүнэн Ийэ дойдугун хааннаах охсуһууга көмүскээбит, норуоттар доҕордоһууларыгар бэйэтин ытык иэһин чиэстээхтик толорбут буойуҥҥа, биһиги дириҥ ытыктабылбыт хаһан да уостуо суоҕа.