Саха сирин комсомолун төрүттэммитэ 105 сылын көрсө, улууска бастакынан тэриллибит 9 хомсомуоллаах Кытаанах нэһилиэгэр, 9 хомсомуолбут сырдык ааттарыгар, дириҥ ытыктабылынан ураты тэрээһин буолан ааста. Бу киэһэ, «Эрчимнээх эдэр саас» диэн дьиктилээх хонуу оонньуутугар оччотооҕу кэм хомсомуоллара, билигин да эдэрдии эрчимнэрин ыһыктыбатах дьон, мустан, эдэр саастарын эргитэн ыллылар.
Тэрээһин биир сүрүн киэргэлэ "Комсомольская юность моя" кинигэ быыстапката, комсомол хамсааһына хайдах саҕаламмытыттан, кимнээх кыттыыны ылбыттарыттан саҕалаан улахан политическай суолталаах кинигэлэр турдулар. бу быыстапка нэдиэлэ туруоҕа, историяны интэриһиргээччилэр уонна инники кэскилбит оҕолорбут киирэн көрүөхтэрэ.Тэрээһин сүрүн түгэннэрэ, ол эбэтэр ааспыт сааспыт эдэр эрчимин кыл түгэнэ санатан ылбыт Комсомольскай ырыалар. Кыттааччылар бары бииргэ «Дан приказ ему на Запал», «Комсомол», «Хайыһар», "Доҕордоһуу" уо.д.а. биллэр ырыалары ыллааннар, библиотека иһэ ураты иэйиинэн туолла. Хас биирдии ырыа — олохторун биир чаҕылхай кэрдииһин туоһута.Лозуннар уонна девизтэр. Оонньуу быыһыгар кылгас угуйуктарга, уруккулуу, «Иннибит диэки, комсомол!» диэн лозуннарынан доҕуһуолланна. Кыттааччылар девизтэрин доргуччу этэннэр, мустубут дьону көҕүлүүр күүһү иҥэрдилэр.Көр-нар, оонньуу. Дьиктилээх хонуу оонньуутугар араас көрдөөх түгэннэр!!!, сорудахтар, биктэриинэлэр буоллулар. Кыттааччылар бэйэлэрин эдэр саастарын санаан, үөрүү-көтүү аргыстаах, көхтөөхтүк кытыннылар.Уруккуну ахтыһыы. Оонньуу быыһыгар оччотооҕу кэмнэри ахтан-санаан аастылар: хайдах бастакы хомсомуол тэрилтэтин тэрийбиттэрин, кимнээх көхтөөхтүк кыттыбыттарын, ханнык соруктары туруоруммуттарын.Эдэр көлүөнэҕэ сүбэ. Билигин даҕаны олоххо көхтөөх позициялаах «ыччаттар» — аҕа көлүөнэ дьон — эдэрдэргэ анаан баҕа санааларынынан, олоххо дьулуурдарынан үтүө холобур түһүлгэтэ тэрилиннэ. Бу киэһэ оҕолору салайар, үөрэтэр дьоммут кыттыыны ылбыттара кэнчээри ыччаппытыгар үтүө өрүтү, өрө тардыныы холобурун биэрэр.Тэрээһин суолтата: Бу киэһэ Кытаанах нэһилиэгэр комсомол устуоруйатын кэрэһилиир, көлүөнэлэр ситимнэрин бөҕөргөтөр, эдэр ыччакка үтүө холобуру көрдөрөр дириҥ суолталаах тэрээһин буолла. Оонньуу түмүгүнэн кыайыылаахтарга өйдөбүнньүк бэлэхтэр туттарылыннылар, бары кыттааччыларга махтал тыллара этилиннилэр.«Эрчимнээх эдэр саас» — бу ааспыт кэм эрэ буолбатах, бу — билигин да салҕанар күүс, инникигэ эрэл уонна биир сомоҕо буолуу холобура.Тэрээһиммит спонсордарыгар Мотрена Ильинична Дьячковскаяҕа уонна улуустааҕы ааспыт кэм дьахтар хамсааһынын салайааччытыгар Александра Васильевна Седалищеваҕа махтанабыт, үтүө санааҕыт сыппаабатын, чэгиэн буолуҥ. История сүппэт, дьыллар - күннэр ааһыахтара, ааспыт олох историятыгар тирэҕирэн саҥа олох салҕаныа. Дьиктилээх хонуу оонньуубут дьэ хаарты хараҕын курдук кыһыылаах оонньуу диэтэҕин. Сороҕу олох да оонньотор түгэн биэрбэт, ол гынан оонньуу аата оонньуу, түмүгэр Муҥутуур кыайыылааҕынан, бэйэтин кэмигэр хомсомуолу биир чулуу байыаһа, комсомол райкомун оскуолаҕа эппиэттиир секретара, ХХХ-с уобаластааҕыи комсомольскай конференция делегата, РФ Үөрэхтээһини Бочуоттаах үлэһитэ, СӨ Үөрэҕириитин туйгуна, учууталлара учууталлара Екатерина Гаврильевна Андреева таҕыста. Бары кыттааччыларга дириҥ махталбытын тиэрдэбит, чэгиэн доруобуйаны, өссө да үлэҕитинэн хамнаскытынан, олоххо көрүүгүтүнэн, инники күөҥҥэ сылдьаргытынан өрүү да холобур буола туруҥ.
