Ыал саргыта
Чурапчы улууһугар үлэлиир «Ыал саргыта» пилотнай бырайыак 2025 сыллааҕы сонуннарыттан
Кытаанах нэһилиэгин олохтоохторо, 2 кылаас үөрэнээччитэ Эрсаан, 5 кылаас үөрэнээччитэ Эльвира, ийэлэрэ соцүлэһит Ксения Николаевна ааҕар дьиэ-кэргэн.
Ксения Николаевна оҕолоро кыраларыттан библиотекаҕа сырытыннарар, ол иһин оҕолоро ааҕа, истэ үөрүйэх буолан, кэтээн көрүү түмүгэр сахалыы тыыҥҥа эргиччи сыстаҕастар, кыра уол Эрсаан 6 сааһыттан добдугураччы ааҕан
нэһилиэк иһинэн ыытылллыбыт семейнэй фестиваль кыайыылаахтарынан буолбуттара. РСФСР үөрэҕириитин туйгуна, СӨ учууталларын учуутала, Кытаанах нэһилиэгин Ытык кырдьаҕаһа Александра Сергеевна Иванова аатынан дорҕоонноохтук, тэтимнээхтик ааҕыы ЧиТаймер күрэҕэр икки оҕотунаан ыытыллыаҕыттан кытталлар, онтон Эльвира ийэтинээн тэтимнээхтик ааҕыы күрэҕин биир сезонун кыайыылаахтара.
2025 сыл ааҕар дьиэ-кэргэн улуустааҕы фестивалын кыттыылаахтара, тарын кэпсээн, көрдөрөн, амсатан барыларын сөхтөрбүтэ уонна “Лучше всех” кубок хаһаайына Эрсаан Борисов.
Күн бэҕэһээ, «Ыал саргыта» бырагыраама сылы түмүктүүр дьаһала — форум 5 хайысхатынан: «Ыччат ыал тэрээһиннээх тиэргэн», , «Чөл куттаах ыал», «Силистээх сис ыал», «Төрүт үгэс түмэр күүһэ», «Дьарыктаах дьоһун ыал» «Ааҕар саха сайдам ыала» анал ааттар иҥэрилиннилэр. В.С.Яковлев-Далан аатынан Кытаанах орто оскуолатын 2 кылааһын үөрэнээччитэ Эрсан Борисов тар оҥорорун туһунан информация улуус дьонун соһутта даҕаны, үөртэ даҕаны. Бу барыта ийэтэ Ксения Николаевна иилээн-саҕалаан, тирэх буолуутун түмүгэр уоннакинигэни кытта доҕордоһоллорун түмүгэр бу улуустааҕы бырайыак “Ааҕар сайдам ыала” хайысхаҕа Суорун Омоллоон “Хараҥаҕа тыкпыт сырдык” айымньытын ааҕан ону дьүһүйэн көрдөрөн “Айымньынан дьүһүйүү” анал аат кыайыылаахтара буолары ситистилэр.
Инникитин да оҕолорбутугар Эрсааҥҥа, Эльвираҕа, Ксения Николаевнаҕа ситиһиилэри, өссө да элбэҕи ааҕан бар дьоннорун соһута, үөрдэ турдуннар.
Ксения Николаевна олоххо көхтөөх позициятынан оҕолоругар холобур буолар, быйыл оскуола родкомун бэрэссэдээтэлинэн талыллан үлэтин саҕалаан эрэр. Бу иннинэ эмиэ уопсастыбаннай түмсүүлэри салайан үлэлэппитэ. Доруобуйаларынан хааччахтаах «Сыккыс» түмсүүнү салайарыгар түмсүүнү улаханнык өрө таһаарбыта, ол курдук сыл бастыҥнара нэһилиэккэ, улууска, республикаҕа тиийэ баар буолбуттара, түмсүү бастыҥ үлэлээҕинэн сыаналанан өрөспүүбүлүкэҕэ биллибитэ, сүүйүүлээх розыгрыш оонньотон, харчы киллэрэн, Москваҕа форма сакаастаан түмсүү анал спортивнай формаламмыта
«Үрүҥ Үйэн» нэһилиэк дьахталларын сэбиэтин бэрэссэдээтэлинэн үлэлии сылдьан кэккэ ситиһиилэрдээх этэ, бу кэмҥэ суһал байыаннай дьайыы кэмэ буолан манна аналлаах таҥастары тигии, баһыылкалары хомуйуу курдук үлэлэри ыыппыта, ону таһынан араас таһымнаах күрэхтэргэ дьону кэпсэтэн кытыннаран. Ксения Николаевна дьиэ-кэргэнигэр куруук ситиһиини, этэҥҥэ буолуун баҕарабыт
