Сомоҕолоһуу күнүгэр сомоҕо күрэх
2005 сыллаахха Арассыыйа бэрэсидьиэнин ыйааҕынан сэтинньи 4 күнэ Сомоҕолоһуу күнүнэн биллэриллибитэ. Онон бу күн дойду үрдүнэн араас норуот сомоҕолоһуутун бэлиэтиир кэрэхсэбиллээх күндү күнүнэн биллэриллибитэ. Онтон Кытаанах нэһилиэгэр уһуйаан иитиллээччилэригэр Сомоҕолоһуу бырааһынньыгын хамсаныылаах хамаанданан оонньуу — сомоҕолоһон күрэхтэһэн бииргэ буолуу тыынын үөскэтэр уонна доҕордуу сыһыаҥҥа иитии сыаллаах ыытылынна. Күрэх иннинэ олохтоох библиотекарь Лена Александровна Пономарева кылгастык сомоҕолоһуу бырааһынньыгын тэриллиитин историятын билиһиннэрдэ. Бу күн, төрөппүт оҕотунаан, оҕо төрөппүтүнээн, бииргэ сылдьар оҕолорунаан уонна кинилэр төрөппүттэринээн кыттыгас биир сомоҕо хамаанда үөскэтэн хамсаныылаах бэһиэлэй күрэххэ кыттан, хамаанда туһугар «болейдаан» сомоҕолоһуу биир кэрчигин биллиллэр. Кытаанахтааҕы Василий Семенович Яковлев-Далан аатынан үөрэх кыһатын уһуйаан иитиллээччилэрэ бу тэрээһиҥҥэ 15 оҕо, 10 төрөппүт, уһуйаан иитээччилэрэ Ирина Петровна Макарова, Туяра Егоровна Потапова, эбии үөрэхтээһин педагога Агафья Афанасьевна Барашкова кыттыыны ыллыллар. Сомоҕолоһор күрэхтэри атын да күннэргэ ыытан биир тыыҥҥа оҕону киллэриэххэ, коллективизм тыынын иҥэриэххэ сөп эбит. Маныаха биһиги уһуйааммыт иитээччилэрэ Ирина Петровна, Туяра Егоровна, Агафья Афанасьевна оҕолорго ураты уйаҕас, оҕо да буолан ылар Ийэлии сыһыаннара оҕолор тута коллективизм тыыныгар киирэн биир сомоҕо буолууларыгар улахан тирэх буолла.
