Улууска комсомол күнэ
Алтынньы 29 күнүгэр улуустааҕы Е.А.Борисов аатынан киин библиотекаҕа — Комсомол күнүгэр аналлаах Улуустааҕы инбэлииттэр обществоларын сакааһынан Кытаанахтааҕы тыа сирин модельнай библиотеката уонна «Сыккыс» доруобуйаларынан хааччахтаах дьон түмсүүтэ(сал.Новгородова П.В.) «Үйэлээх сыаннастар» ЫТЫК өй оонньуутун ыыттылар. Бу оонньуу ааптарынан Кытаанах нэһилиэгин олохтооҕо биир уолун суһал байыаннай дьайыыга сүтэрбит, биир уола билигин Да сулууспалыы сылдьар Ийэ Анна Васильевна Нестерева буолар. Тэрээһин саҕаланыытыгар «Дайаарка биир күнэ» агитбригаданан эҕэрдэлээн тэрээһин саҕаланна.
Чурапчытааҕы ВОИ председателэ киирии тылы этэн, ыччаты хамсаппыт Комсомол күнүнэн, комсолга эдэр саастара ааспыт тэрээһин кыттыылаахтарын эҕэрдэлээтэ уонна Кытаанахтааҕы Сыккыс түмсүү бэрэссэдээтилигэр Парасковья Владимировна Новгородоваҕа инбэлииттэрин кытары общественнай үлэтин үрдүктүк сыаналаан Бүтүн Арасссыыйатааҕы ВОИ председателэ М.Б. Терентьев илии баттааһыннаах Махтал суругу туттаран Кытаанахтар үөрүүбүт муҥура суох буолла. Уопсайа түөрт иккилии киһилээх хамаанда көхтөөх кыттыыны ыллылар. Оонньуубутугар болҕомто,бириэмэ ууран ыйытыктары бэлэмнээбит улууспут,билиҥҥи уонна ааспыт кэмнэрин салайааччылара бэлэмнээтилэр. Улууспут аҕа баһылыга Иван Степан Анатольевич Саргыдаев
общественнай политическай диэйэтэл,Ил Түмэҥҥэ дьокутааттаабыт, Чурапчы улууһун Бочуоттаах гражданина, дии ытыктыыр ахтар киһибит Альбина Иннокентьевна Поисеева
, РФ суруйааччыларын сойууһун чилиэнэ, Кытаанах нэһилиэгин, Чурапчы улууһун Бочуоттаах гражданина Иван Петрович Пономарев
РФ ,СӨ бэчээтин туйгуна, А.А.Саввин аатын түмэл директора Афанасий Афанасьевич Захаров.
5 ыйытыктаах 5түһүмэхтээх, 3 тыыннаах оонньууну биир тыынынан оонньоон кэбистилэр.
1 миэстэ — Василий Пономарев Серафим Новгородов «Маарыкчаан ыччаттара» хамаанда;
2 миэстэ — Анастасия Аммосова, Саргылана Дьячковская «Доброволецтар «хамаанда;
3 миэстэ — Григорий Евграфов, Николай Макаров «Чолбон» хамаанда
«Дьулуур» номинация ананна «Эдэр саас» хамаандаҕа — Тамара Дьяконова,Анна Сергеева;
«Билиилээх оонньооччу» диэн анал ааптар бирииһэ көрөөччүлэр талыыларынан (ааптар Анна Васильевна Нестерева) Анна Сергееваҕа ананна.
Бары кыттааччыларбытыгар,көрөөччүлэрбитигэр, библиотекаҕа ыҥырбыт, площадка тэрийбит Айталина Михайловна Смирникова дириэктэрдээх Е.А.Борисов аатынан киин библиотека коллективыгар дириҥ махталбытын тиэрдэбит. Ол курдук, бастакы миэстэҕэ кыайыылаах паараҕа спонсордар ааспыт олохпут биир чаҕылхай сулустара, салайааччылара, ааспыт кэм ыччаттара 5000 тыһыынча уу харчынан кыайыылаахтары бэлиэтээтилэр. кинилэр кимнээхтэрий: Герасимова — Ефремова Татьяна Николаевна- 1984-1987 сылларга Субуруускай аатынан совхоз босхоломмут секретарь,уобаластаа5ы XXXII комсомольскай конференция делегата, Болтоҥоттон төрүттээх Хатылы, Слепцова-Миронова Мария Васильевна 1984-1989 сылларга школа интернат первичнэй комсомольскай тэрилтэтин секретара, Кытаанах, Потапов Егор Николаевич— комсомол райкомун тэрийэр үлэҕэ секретара, ыччат лидерэ, «Кытаанах нэһилиэгэ» МТ икки созывка баһылыктаан, бэйэтин суолун-ииһин хаалларбыт ытыктыыр биир дойдулаахпыт — Кытаанах, Листикова-Дьячковская Мария Андреевна- Мындаҕаайыга комсомольскай тэрилтэ секретара, лидер, Болтоҥоттон тардыылаах, Мындаҕаайы олохтооҕо. Макарова — Андреева Екатерина Гаврильевна, комсомол райкомун оскуолаҕа эппиэттиир секретара, ХХХ-с уобаластааҕы комсомольскай конференция делегата. Екатерина Гаврильевнаҕа махталбытын аныыбыт, сүүрэн-көтөн, биир хамсааһыҥҥа үлэлээбиттэрин булсан, тэрийсэн көмөлөспүтүгэр уонна түгэнинэн туһанан өссө улаханнык махтанабын, олох хайа да кэмигэр, балаһыанньатыгар, тус да уопсай да кыһалҕалар быһаарыллыыларыгар бары өттүнэн куруук күүс-көмө , сүбэ-соргу буоларыгар. Иккис миэстэлээх пааралар, Чурапчытааҕы ВОИ бэлэҕин туттулар, үһүс миэстэҕэ тахсыбыт пааралар ВОИ бэлэҕин уонна биһигини бастыҥ куруук өйүүр бастыҥ спонсорбыт Мотрена Ильинична Дьячковская бэлэҕин тутан үөрдүлэр. Бары кыттыбыттарга кыттааччыларга, салайааччыларга, спонсордарга махтанабыт, чэгиэн туругу, этэҥҥэ буолууну баҕарабыт. Туспа анал махтал «Кытаанах нэһилиэгэ» тст баһылыга Иван Терентьевич Пономаревка, эдэр киһиэхэ үлэтигэр үрдүк ситиһиилэри, ураты көрүүлээх саҥа саҕахтары.
https://санаолох.рф/churapchyga-%D2%AFjeleeh-syannastar-oonnuu-yytylynna
