«Сынньалаҥҥа» хомуур күрэх
Алтынньы 24 күнүгэр, Саха Өрөспүүбүлүкэьтин Ийэлэрин уонна Арассыыйа Аҕаларын күннэригэр сөп түбэһиннэрэн «Ийэҕэ махтал, Аҕаҕа таптал» декада бүгүн тү;өлбэттэн 4-түү киһилээх хамаанданы муста. Күрэҕи «Кытаанах нэһилиэгэ» тыа сирин түөлбэтин баһылыга Иван Терентьевич Пономарев эҕэрдэ тылынан аста. 6 түһүмэхтээх күөн көрсүһүүгэ 8,08 бириэмэни көрдөрөн «Кэскил түөлбэтэ» 4-с миэстэ буолан биһирэбил тордунан уонна согунан бэлиэтэннэ. 5, 46’49 бириэмэнэн III миэстэҕэ «Алаас» түөлбэ таҕыста, 5’30’94 көрдөрүүтүнэн «Саһарҕа» түөлбэ II -с миэстэ буолла, онтон олох чаҕылхай, туох да мөккүөрэ суох кылбар кыайыыны «Кэрэхтээх чараҥа» — 4’12’38 бириэмэни көрдөрөн I -кы миэстэҕэ эрэллээхтик таҕыста. Хамаандаларга олохтоох дьаһалта бириистэрин торд, сок, грамота уонна мэтээл кэтэртэ. Иван Терентьевич салалталаах, баһылыгы солбуйааччы Екатерина Иннокентьевна, спортинструктор Петр Алексеевич бу киэһэ олус бэрт, сонун күрэх тэрийэн көрөөччү, кыттааччылар биһирэбиллэрин, махталларын ыллылар. Түмүгэр, бэтэрээн спортсмен, 30 сыл култуура киини дириэктэринэн үлэлээбит Николай Васильевич Захаров санаатын үллэһиннэ: «Бэртээхэй күрэх, эдэр салалта, ыытааччылар, ол гынан баран көрөөччү сааланы толору эбитэ буоллар дьэ ыһыылаах- хаһыылаах күрэх буолуо этэ, аныгыс сырыыга онно үлэлэһиҥ ,уонна сарсын буолар испэктээххэ бары кэлин, дьоннордо илдьэ кэлиҥ, көрүөҕүҥ,». түмүккэ бары үөрэ-көтө тарҕастыбыт. Декада 4 күнэ түмүктэннэ.
