ЧиТаймер 2025
149 сыл педагогическай стажтаах династия саҕалааччыта, РСФСР Үөрэҕириитин туйгуна, СӨ Учууталлара учууталлара, Кытаанах нэһилиэгин Ытык кырдьаҕаһа Александра Сергеевна Иванова аатынан, дьиэ-кэргэни көҕүлүүр сыаллаах «ЧиТамер»оҕо ийэтинээн түргэнник ааҕыы Саха сирин Ийэлэрин күнүн чэрчитинэн быйыл , алтынньы 23 күнүгэр, үһүс төгүлүн ыытылынна. Барыта 11 дьиэ-кэргэн кыттыыны ыллылар. Тэрээһини оскуола дириэктэрэ Иван Иванович Коркин үөрүүлээх быһыыга-майгыга аста.
Биирдии мүнүүтэ сахалыы, биирдии мүнүүтэ нууччалыы эр-биир ааҕаллар уонна түмүктэрэ эбиллэн, түмүллэн кыайыылаах биллэр. Бу улахан учуутал, Кытаанахха. оскуолаҕа, директоры иитэр-үөрэтэр үлэҕэ солбуйааччынан өр кэмнэргэ, учууталынан, оскуолаҕа библиотекарынан эмиэ таһаарыылаахтык үлэлээбит Александра Сергеевна аатынан ааҕыы күрэҕэ оҥорор санаа киирбитигэр, кини оҕолоро, сиэннэрэ, кийиитэ утары кэлэннэр улахан көмөнү оҥороннор, быйыл үһүс төгүлүн ыыттыбыт. куруук спонсордыыр дьоммутугар сиртэн -халлааҥҥа дылы махтанабыт.
Бу бэртээхэй кинигэни оҕолоро бичийэн таһаарбыттара олус кэрэхсэбиллээх. Александра Сергеевна, муус устар 16 күнүгэр, 1933 сыллаахха күн сирин , Чурапчы оройуонун Мэлдьэхси нэһилиэгэр, «Тахсыбыт сардаҥа» холкуостаахтарын Ефросинья Николаевна, Сергей Константинович Марковтар дьиэ-кэргэҥҥэ көрбүт. 1958 с СГУ-ну саха тылын салаатын бүтэрэн, ол кэмтэн биэнсийэҕэ барыар дылы учууталлаан, элбэх көлүөнэни үөрэтэн, Учууталлар учууталлара буолан, 4 оҕону төрөтөн, атахтарыгар туруоран, сиэн, хос сиэн тапталларыгар уйдаран дьоһун олоҕу олорон аастаҕа…
«Кэрэхтээххэ» оскуола солооһунугар тиийэн харааччы буспут моонньоҕону үргүүрбүт, тэллэй үргээн маринуйдуурбут», -диэн «Ахтылҕан истиҥ тыллара», кини туһунан ахтыы кинигэҕэ кыыһа, ийэтин суолун батан эмиэ учуутал Анна Аркадьевна Стручкова суруйар, «Биһиги ыал олохпут этэҥҥэ буоларыгар акылаат уурбут түтө сыһыанын, сүьэтин-аматын, улахан тапталын иһин махталбыт муҥура суох»,- диэн ахтар кийиитэ, РФ үөрэҕириитин туйгуна, СӨ үөрэҕириитин үтүөлээх үлэһитэ, Чурапчы нэһилиэгин Бочуоттаах олохтооҕо, П.И.Борисова аатынан «Улыбка» оҕо сайдар киинин сэбиэдиссэйэ Екатерина Семеновна Иванова. бу олус интэриэһинэй ахтыы кинигэни уларсан ааҕаарын, нэһилиэкпит ааспыт олоҕун биир кэрчик кэмэ олус үчүгэйдик киһи сүрэҕигэр-быарыгар киирэр гын а суруллубут.
…..Күрэхпит икки бөлөҕүнэн барда, 6-8 уонна 9-11 кылаастар. Ааҕыыга кыргыттар эрэ буолбаакка уолаттар, улахан кылаас уолаттара кытталлара олус кэрэхсэнэр. Оскуолабыт лидерэ, 10-с кылаас үөрэнээччитэ Арылхан Пономарев, иккис төгүлүн Ааҕыыга кыттар. Бу уол оҕо,лидер бэйэтинэн кыттара олус кэрэхсэбиллээх диэн бэлиэтиэххэ наада.
Күрэх түмүгүнэн маннык таҕыста:
бастакы бөлөххө:
1 миэстэ Уйгулаана, Айталина Платоновна Суздаловтар дьиэ — кэргэн
2 миэстэ: Ева, Саргылана Михайловна Бабиченко, Айыына, Галина Михайловна Аммосовтар дьиэ -кэргэттэрэ
3 миэстэ: Эльвира, Ксения Николаевна Борисовтар, Виолетта, Вера Николаевна Барашковтар, Алина, Тамара Николаевна Неустроевтар дьиэ-кэргэттэрэ
Иккис бөлөххө
1 миэстэ Ньургун, Татьяна Ивановна Лазаревтар дьиэ-кэргэн
2 миэстэ Карина, Аина Николаевна Колодезниковтар, Сайаана, Туяра Васильевна Борисовтар дьиэ — кэргэттэрэ
3 миэстэ: Арылхан, Роза Андреевна Пономаревтар, Володя, Мария Андреевна Федоровтар дьиэ-кэргэттэрэ.
Кыайыылаахтар 1 миэстэҕэ 1500, 2 миэстэҕэ 1000, 3 миэстэҕэ 600 солк спонсордартан туттуллар. 10000 трб үбүлээн спонсордаабыт Александра Сергеевна иванова оҕолоругар, сиэннэригэр махтанабыт, барыгытыгар этэҥҥэ чэгиэн буолууну баҕарабыт.
