Кытанахская модельная библиотека

«Иэйии алыба» айар куттаахтар түмсүүлэрин чидиэнэ Дабыыт Андреев, саха норуодунай суруйааччыта төрөөбүт күнүн көрсө буруолуу сылдьар айымньытын ааҕыҥ, билсиҥ, көрүҥ

https://rutube.ru/video/private/8a5da867ba7416ffb3f22d1b3cc8bf97/?p=QRz1xwIrqhx8E8S1TVrGEw

Дирбиэн Дарбаан Күннэргэ ,
Дирбийэн Дарбыйан Тураммын.
Дүлүҥ Дүҥүрү Дорҕоонноон ,
Дьылга Дабаанын Дабайан ,
Дьоммун Дьоллуур Дьүһүннэнэн ,
Дьагыллаах Дархан Далан Дэппитим.

Кэнэҕэски Кэлиини,
Кэлэр Кэнчээри Кэрэни ,
Ыччат ымыы ырыатын
Ыллыктыыр Ыырдыыр Ыранан,
Кэспин Кэспэккэ Кэһэммин ,
Кэриэспин Кэтэрпитим Киилэнмэр.

Солбуйар ыччаты уһуйар,
Саалбын соммун саҕынньахтанар ,
Санаабыты саастаан суруйар ,
Сааба Кыһатыгар сааһыламмытым.

Уһуну Унньуктаан Ууннарар ,
Ууну Уутун Уһугуннарар ,
Утумҥа Уйгуну Уһуйар ,
Уруучука Ухханынаан Уруурҕаһан ,
Суруйбутум Суоруллубат Суорума Суругу.
      
           Андреев  Дабыыт     1.04. 2025