Муниципальное бюджетное учреждение

Кытанахская модельная библиотека

678675, РС(Якутия), Чурапчинский улус, с. Килэнки, ул. Дорожная, 4

Иэйии алыбтара айаллар

Коллекционердарбыт салайааччылара Екатерина Гаврильевна коллекциятыттан, биир дойдулаахпыт, Иэйии алыба Кытаанах айар куттаахтарын түмсүүтүн чилиэнэ Николай Федорович Смирников 20 сыл аннараа өттүгэр суруйбут хоһоонун, Кыайыы 80 сылынан, күндү ааҕааччыларбытыгар анаан таһаарабыт.

Ол алаас халдьыатын үрдүгэр
         Н.Смирников
Ол алаас халдьыатын үрдүгэр
Аарыма модун тиит анныгар
Оҕонньор олорор үөһэттэн,
Алааһын,өтөҕүн одуулуу.
  Аймаама дуу сүрэх,аймаама,
Ааспыты иэдээни саната,
Соҕотох хаалла дии, бу саллаат
Ол кыайбыт өрөгөй сааскыттан.

Оҕонньор олорор,табаахтыыр
Санааҕа ааспыты бэрийэр,
Сүрэҕэ кыланар,хаһыытыыр
Төннүбэт сүтүгү кэтэһэ.

Ытаама дуу сүрэх,ытаама,
Алта уон сыл ааста ол кэмтэн,
Өтөҕүҥ кураанах турара
Алааскар эргиллэн кэлбиккэр.

Оҕонньор төбөтүн көтөҕөн
Алааһын ыллыгын одуулуур,
Бокуйбут сүһүөҕэр өндөйөн
Аллараа сыыр диэки хардыылыыр.

Уоскуйууй дуу сүрэх, уоскуйууй,
Ол дьонум иһэллэр куулаттан —
Кэргэним, үс оҕом,ийэккэм
Саадьаҕай кунаны батыһан.

Аргыыйдык утары хардыылаан
Оҕонньор эниэҕэ тиийиитэ
Кырдьыбыт сүһүөҕэ салҕалаан
Оҕунна күөх хонуу түөһүгэр.

Биир дойдулаахпыт, оҕо суруйааччы Мария Винокурова — Мааны Маарыйа, *Иэйии алыба* түмсүү чилиэнэ
КЫАЙЫЫ 80 СЫЛЫНАН
    *КЭТИРИИС*
буруолуу сылдьар айымньытын бар дьоммут болҕомтотугар таһаарабыт

Кэтириис

Сут-кураан кэмнэртэн
Ыарахан үлэттэн
Уйгуну дэлэтэр
Ыралаах эн этиҥ.

Күөх сайын аһыттан
Бар дьону аһатар
Үлэҕэ умсаҥҥын
Бэйэҕин умнарыҥ.

Хос ырыата:
Кэтириис, Кэтириис
Ийэ сир чэчириир
Илгэлээх уйгута —
Эн үлэҥ туоһута.

Үтүмэн сыраттан
Үүнүү киэҥ быйаҥа
Аар-саарга аатырда,
Эн аатыҥ ааттанна.

Сопхуоһуҥ буоругар
Хортуоппуй буолага,
Өҥ быйаҥ муората
Долгуйар буолара.

Хос ырыата:
Кэтириис, Кэтириис
Ийэ сир чэчириир
Илгэлээх уйгута —
Эн үлэҥ туоһута.

Мааны Маарыйа

Добавить комментарий

Ваш адрес email не будет опубликован. Обязательные поля помечены *