Кытанахская модельная библиотека

Улууспут бары нэһилиэктэрин ытык сирдэрин уонна былыргы объектар историяларын үөрэтэн үйэтитии, сөргүтүү үлэтэ 2024 сыл ахсынньытыгар, СӨ Култуура уонна духуобунай сайдыы министиэристибэтэ, Гуманитарнай чинчийии уонна аҕыйах ахсааннаах хотугу норуоттар кыһалҕаларын үөрэтэр үнүстүтүүт  уонна улуус дьаһалтата бииргэ үлэлииргэ үс өрүттээх сөбүлэҥи түһэрсибиттэриин иитинэн үлэ-хамнас ыытыллар. Биһиги нэһилиэктэн күн бүгүн, бу категорияҕа 24 киирэн турар. «Кытаанах нэһилиэгэ» тыа сирин түөлбэтин баһылыгын солбуйааччы Екатерина Иннокентьевна Скрябина, кылгастык, лоп-бааччы, өйдөнүмтүө гына туох-хайдах үлэ саҕаламмытын, манна анаан хамыыһыйа тэриллибитин , ытык сирдэр пааспардардарын (бу 24 ытык сирбитин) киллэрэн кэпсээн хайҕал да ылла, болҕомто да тарта. Маны таһынан өссө үлэ барыахтаах, 13 олоҥхоһуттарбыт олохторун, 9 ойуун кыырбыт алааһын уо.д.а. атын сиэр-туом, алгыс ыытыллыбыт сирдэрин барытын учуоттаан, докумуоннаан элбэх үлэ күүтүллэр. Бу үлэлэри барытын кэлэр ый ортотугар туттараҕыт диэн мунньах кыттыылаахтарыгар сорудахтаатылар. Сиһилии сигэнэн киирэн ааҕаарыҥ

санаолох.рф›ytyk-belie-sirderbitin-yereter-kem-

Бүгүн күн иккис аҥарыгар, Кыайыы 80 сылынан улууспутугар баар Кыайыыга аналлаах Өйдөбүнньүккэ баар плиталары сөргөхсүтүү үлэтигэр, нэһилиэкпитигэр пенсионердары салайбыт Марфа Петровна Парфенова, олус эппиэтинэстээхтик хас биирдии сэрии кыттыылааҕын Өйдөбүнньүк уонна «Алаас буойун уолаттара» кинигэбитин кытары хас да күннээх тэҥнэбил үлэтин түмүгэр, плиткаҕа биир буойун аата эбиллэр буолла (кинигэбитигэр баар). Түгэнинэн туһанан, кинигэбит ааптардарыгар Екатерина Прокопьевнанан сирэйдээн дириҥ сүгүрүйүүбүтүн, махталбытын тиэрдэбит. Онтон, Марфа Петровнаҕа эмиэ бу улахан эппиэтинэстээх үлэни болҕомтолоохтук толорбута, дойдуга чахчы бэриниилээҕин өссө төгүл туоһулуур. Марфа Петровнаҕа нэһилиэгим туһа диэн төттөрү-таары айаннаан үлэтин түмүктээбитинэн махтанабыт.