Кытанахская модельная библиотека

Оһуохай биһиэхэ сахаларга төрүт, өй-санаа бииргэ түмсэр үҥкүүтэ. Бэҕэһээ, кулун тутар 3 күнүгэр, Кытаанахха Оһуохай түмсүүтэ тэриллэн бастакы түһүлгэтин өрө көтөҕүллэн үөрэн көрүстүбүт. Ол курдук, бастакы түмсүүбүтүгэр, Улуустааҕы Олоҥхо киинин салайааччыта Дмитрий Дмитриевич Попов, этиибитин өйөөн, Игнат Каженкин салайааччылаах анал дэлэгээссийэ ыытан тэрээһиммит таһымын үрдэттэ, сүрүнэ нэһилиэнньэ олуһун үөрдэ, астынна. Кырдьык даҕаны, киһи бөҕө кэлбититтэн бары да астынныбыт. Сүрүн сыалбыт оһуохай этэн саҕалааччы уонна эдэр оһуохайдьыттарбытын билиһиннэрии, сүбэ-ама ылыыта буолар. Онтон биһиги биэнсийэлээхтэр, тыыныыга, хамсаныыга туһатын тута ылынныбыт. Ил Дархан Оһуохайын стипендиата Семен Семенович Морфунов, Чурапчы оһуохайын пропагандиһа, тарҕатааччыта Валентина Ивановна ДЬячковская, Чурапчы улууһун оһуохайын күрэҕин призера Хоохоон Адаарыс Дыгдаҕар уола, уонна кынат буолбут Далбар Хотуттар алгыстаах тыллара, сүбэлэрэ, туһаайыылара олус туһалаах буолла, ыллыыр-туойар алгыстаах оһуохайы сэҥээрээччи Наталья Гаврильевна Захарова, олохтоох бибилотека ааҕааччыларыгар анаан кинигэ бэлэх оҥордо. 4 кылаас үөрэнээччитэ Ева Бабиченконы тэтимин тутар, дэгэтин табар эбит, арай кыратык сэмэй, харыстааҥ, байытыҥ, такайыҥ диэн сорудахтаатылар. Уһуйааччытын Ангела Романовнаны улаханнык хайҕаатылар, өссө сайдан, дьарыктаан элбэх оҕону үүннэрэригэр баҕаларын эттилэр. Эдэр этээччи Катя Скрябинабытын олус хайҕаатылар, кэскиллээх уонна эбии дьарыктана, этэ сылдьыан наадатын ыйдылар. Онтон , тарбахха баттанар ыччаппыт Дабыыты тылын баайын, тута хоһуйар ньыматын күүһүрдэригэр уонна кынат уолаттары булунарыгар сүбэлээтилэр. Түмүгэр, «Түһүлгэ» норуот айымньытын Дьиэтин дириэктэригэр Айталина Владимировнаҕа, кулууп кэлэктиибигэр, түмсүү чилиэннэригэр, оһуохай кыттыылаахтарыгар улахан махталларын тиэртилэр.Өссө биһиги үөрүүбүтүн үрдэтэн, бэйэлэрэ туораттан олорон көрөөччү да буолан ытык дьоммут Мария Прокопьевна Захарова, Мотрена Семеновна Леонтьева кэлбиттэрэ буолар. Маны сэргэ, «Өбүгэ ситимэ» улахан кинигэ быыстапката турда.

Нэһилиэкпит олохтоохторугар, түмсүүбүт чилиэннэригэр (бары кэлбиттэрэ олус үөрдэр)улахзаннык махтанабыт. Сахаларбыт бэлиэтин ыйыыта суох сахалыы таҥастаах,эбэтэр элеменнэрдээх да кэлбиттэрэ олус долгутта, Кытаанахтар биир күн-биир Сомоҕо!. Онон, күндү ааҕаааччы Оһуохай саҕаланна, биллэрии барда оһуохайга бары кэлэбит.