Бэтэрээннэр уопут атастаһаллар
Күн бэҕэһээ, улууспут киинигэр, Чурапчы уонна Мэҥэ-Хаҥалас пенсионардарын , бэтэрээннэрин түмсүүлэрин уонна тустаах исписэлиистэр уопут атастаһар түһүлгэлэрэ олус көхтөөхтүк, истиҥник буолан ааста. Нэһилиэкпититтэн бэрэссэдээтэлбит Марфа Петровна Парфенова, Виктория Викторовна ,сылдьан кэллилэр. Кыратык ааһа түһэн эттэххэ 2023 сыл түмүгүнэн Кытаанах пенсионердара 3-с миэстэ буолан, үс бастыҥ үлэлээх салайааччыларга киирсэн 2024 сыдга Мэҥэ -хаҥаласка семинарга кыттан турар. Семинары Улуус дьаһалтатын социальнай боппуруостарга баһылыгы солбуйааччы Мария Филипповна Кронникова үөрүүлээх быһыыга-майгыга арыйда, улуустааҕы бэтэрээннэр түмсүүлэрин бэрэссээдэтэлэ Матрена Николаевна Матвеева 2024 сыл түмүктэрин, 2025 сыл соруктарын билиһиннэрдэ, улуустааҕы дьиэ кэргэн кылаабынай исписэлииһэ Татьяна Петровна Бушкова «Ыал саргыта» пилотнай программаны, «Школа активного долголетия» бырайыагы, саастарын туола илик оҕолору реабилитациялыыр киин дириэктэрэ Мария Николаевна Саввина, маны таһынан «Төрүт ситим — нэһилиэк духовнай сайдыытын төрдө» диэн олус интэриэһинэй түмсүү үлэтин хамнаһын Чакырдааҕы бэтэрээннэр түмсүүлэрин бэрэссэдээтэлэ Кириллина Александра Михайловна кэпсээтилэр, билиһиннэрдилэр. Ыалдьыттарбыт эмиэ хардары үлэлэрин, түмүктэрин, соруктарын кэпсээтилэр. билиһиннэрдилэр. Семинар кыттыылаахтара Албан аат түмэлигэр сырыттылар, Кыайыы пааматынньыгар сибэкки дьөрбөтү н уурдулар, Ыччат киинигэр, Дьиэ-кэргэн киинигэр, Е.А.Борисов архыып библиотекатыгар, Көһөрүллүү түмэлигэр сылдьан, астына сэһэргэһэн, көрөн-истэн, уопут атастаһан, хапрдарыта үлэлэһиэх буолан тарҕастылар.
