Бэҕэһээҥҥи,бүгүҥҥү сырыылартан…
Сибээскэ Егор Николаевич…
Күн бүгүн, “Кытаанах нэһилиэгэ” тыа сирин түөлбэтин баһылыга Егор Николаевич Потапов, бойобуой дьайыы бэтэрээнэ Альберт Собакинныын суһал байыаннай дьайыыга сылдьар уолаттарбытыгар нэһилиэнньэ бүтүннүү атаҕар туран, ас-үөл хомуйбуттарын, бэлэмнээбиттэрин илдьэ Украина сиригэр-уотугар сылдьаллар. Ол курдук, бэҕэһээ Мариуполь тулатыгар баар уолаттары көрсөн, госпитальга сытар Кытаанахха үөрэммит, оскуоланы бүтэрбит уолбут А. Уонна ыаллыы сытар Арыылаах нэһилиэгин күтүөтүн, ону таһынан уоппускаттан ааһан иһэр, биһиги нэһилиэккэ бырааһынан таһаарыылаахтык үлэлээбит А. көрсөн саха быһаҕын, көрсөннөр кэһиилэрин, оҕолор суруктарын, открыткаларын, нэһилиэк харысхалын туттардылар.
Виноградное бөһүөлэккэ Хатылы уолун көрсөн бэйэтигэр анал уонна Чурапчы улууһуттан кэлбит посылкалары туттарбыттар. Бу бөһүөлэк олох Азовскай муора кытылыгар турар эбит, онно киирэн саха дьоно улахан эбэҕэ сүгүрүйэллэрин туомун тутуһан, аһатан, алаадьылаан уолаттарбыт кыайыы аргыстанан, этэҥҥэ эргиллэн кэлэллэригэр көрдөстүлэр. Аатырбыт Герой Алеша танковай полкатыгар сылдьан экипаһы көрүстүбүт. Дириҥтэн сылдьар П. уолу, ону таһынан танковай полкаттан штурмовик эмиэ Дириҥтэн сылдьар О көрүстүбүт, кэһиилэрин туттаран уолаттар махталларын улууспут салалтатыгар, нэһилиэкпит аҕа баһылыгар, нэһилиэк бары олохтоохторугар тиэрдибиттэр. Үтүө санаалаах Степан Анатольевичка, улууспут салалтатыгар бу айаны тэрийбитигэр, баһылыкпыт Егор Николаевичка булан-талан, нэһилиэктэн саҕалаан дьонун-сэргэтин түмэн, мунньан эр санаалаах уолаттарбытыгар-оҕолорбутугар, тиийиэхтээх сирдэригэр этэҥҥэ тиийэн, барыларын көрсөн кэллиннэр диэн барҕа махталлаах, алгыс санаалаах бүгүҥҥү сонуну түмүктүүбүн.
