Кытанахская модельная библиотека

Муус устар 19 күнүгэр, Кытаанахха дойду үрдүнэн ааҕыыны көҕүлүүр сыаллаах ыытыллар «Библионочь» аахсыаҕа Кытаанах нэһилиэгэ 12 сылын кыттыһар. Быйыл Арассыыйаҕа дойду бэрисидьиэнэ Дьиэ-кэргэн сылынан биллэрэн, быйылгы библиотүүн онно сыһыаннаах буолла. Онтон, Кытаанах нэһилиэгэр Ийэ, эбэ кыыһынаан уонна игирэ сиэннэринээн суруйар сэдэх ыалга быйылгы тэрээһиммит ананна. ааҕыыг көҕүлүүр сыаллаах аахсыйаҕа, Кытаанах нэһилиэгин бочуоттаах олохтооҕо, Саха Өрөспүүбүлүкэтин муниципальнай сулууспатын туйгуна, коммунистическай үлэ удаарынньыга, “СӨ профсоюзнай хамсааһынын сайдыытыгар кылаатын иһин”, «Саха Өрөспүүбүлүкэтин ГТАС (загса) уоргана сайдыытыгар кылаатын иһин», “Чурапчы улууһун сайдыытытыгар кылаатын иһин” III степэннээх бэлиэлэр хаһаайыннара, 10-тан тахса кинигэлэр ааптардара, хос ааптардара, Екатерина Прокопьевна Скрябина быһаччы дьаһалтатынан, салалтатынан, көҕүлээһининэн бэйэтэ уонна кыыһа — Максим Кирович Аммосов аатынан ХИФУ (Хотугулуу-Илиҥҥи федеральнай университет) историческай факультетын, Гуманитарнай чинчийии уонна хотугу аҕыйах ахсааннаах норуоттар проблемаларын институтун аспирантуратын выпусниктара, Кытаанах нэһилиэгин муниципальнай тэриллиитин баһылыгын солбуйааччыта, Василий Семенович Яковлев–Далан аатынан бириэмийэ лауреата, Ыччат дьыалатын уонна социальнай коммуникациятын министерствотыттан Советскай Союз Геройа Федор Кузьмич Попов аатынан «Патриот сүрэҕэ» бэлиэ хаһаайына, сэттэ кинигэ ааптара — Екатерина Иннокентьевна Скрябина, ону таһынан, Кытаанах,хайахсыт нэһилиэктэрин, Чурапчы улууһун Бочуоттаах гражданиннара, Кытаанах нэһилиэгин Ытык киһитэ,кытаанах орто оскуолатын Бочуоттаах педагога, советскай-партийнай үлэһит Матрена Семеновна Леонтьева буолан олохтоох үс ааптардарбыт күн сирин көрдөрбүт кинигэлэрин сүрэхтээн нэһилиэгинэн ааҕабыт диэн библиотүүн ыытылынна. Кинигэ биһирэмэ олус үчүгэйдик таҥыллан ааста, киэн тутта ааттыыр , эмиэ бу кинигэҕэ киирбит нэһилиэкпит 8 кыһыл көмһс сыбаайбалаахтарын оҕолоро бу киэһэ ыалдьыттаан тэрээһин таһымын үрдэттилэр, маны таһынан «Эн кэмиҥ» нэһилиэкпитигэр колхоз бэрэссэдээтэлинэн, баһылыкт арынан үлэлээбит биир дойдулаахтарбыт:

Мотрена Семеновна Леонтьева – советскай – партийнай үлэ ветерана, нэһилиэкпитигэр Сэбиэт бэрэссэдээтэлинэн үлэлээбитэ, Кытаанах, Хайахсыт нэһилиэктэрин, Чурапчы улууһун Бочуоттаах гражданиннара

Петр Федотович Максимов – Сэбиэскэй Сойуус ыһыллан, саҥа уларыта тутуу кэмнэригэр баһылыгынан үлэлээбит, Кытаанах нэһилиэгин Бочуоттаах олохтооҕо, СӨ тыатын хаһаайыстыбатын туйгуна, СӨ Гражданскай килбиэн бэлиэ хаһаайына, Чурапчы улууһун “Үтүө суобастаах үлэтин” иһин бэлиэ хаһаайына

Иван Петрович Игнатьев – 2000 сыллар саҕаланыытыттан 2015 сылга диэри нэһилиэк баһылыгынан үлэлээбит,  Кытаанах нэһилиэгин Бочуоттаах олохтооҕо, РФ үөрэҕириитин, СР физическэй культураҕа уонна спортка, СР муниципальнай сулууспаҕа туйгуннара. “Үтүө дьыалалар хамсааһын” бэлиэ хаһаайына

Егор Николаевич Потапов – 2016 сылтан күн бүгүнүгэр диэри нэһилиэкпитин салайан, түмэн үлэлии сылдьар баһылыкпыт,Кытаанах нэһилиэгин Бочуоттаах олохтооҕо, Ыччат политикатын туйгуна, “Улуус сайдыытыгар кылаатын иһин” 3-с степеннээх, Федор Попов аатынан “Патриот сүрэҕэ”, “Үтүө дьыалалар хамсааһын” , “Саха сирин памятниктарын харыстааһын бырайыагын кыттыылааҕа” бэлиэлэр хаһаайыннара, бу киэһэ ыалдьыттаан, көрөөччү сэҥээриитин ыллыллар. Библиотүүн буолуо 3 күн инниттэн «Оскуола оҕолоро», «Кытаанахтар», «Кытаанах пенсионердара» вастсап бөлөххө, бу саҥа тахсыбыт кинигэ чэрчитинэн «Нэһилиэгиҥ историятын төһө билэҕин» онлайн викторина финалистара бу киэһэ, 3 түһүмэхтээх күрэххэ күөн көрүстүлэр. 1 миэстэ — Акулинва Николаевна Скрябина, 2 миэстэ — Парасковья Владимировна Новгородова, 3 миэстэ — Витя Гоголев буолан «Түһүлгэ» НАДь (директор Пономарева А.В.) туруорбут бириистэрин ылан үөрэн-көтөн бардылар. Олохтоох депутаттар ааттарыттан Анисия Николаевна Дьяконова тыл этэн эҕэрдэлээн ааптардарга сэиэй бэлэҕин туттарда, ону таһынан дьиэ-кэргэнин аатыттан кинигэ таһын оруобуна түһэрэн минньигэс торт бэлэхтээтэ. Оскуола президенэ Тимур Пономарев уонна кини хамаандата эҕэрдэ тылларын, оҥоһук бэлэхтэрин ууннулар. Көрөөччүлэри кытары оонньууга Карина Колодезникова, Петр Максимов бэрткэ табыллан оонньоотулар, Булчуттар түһүмэххэ Петр Барашков оонньуу бэрээдэгинэн ыҥыран таһаарбыт кыыһын Юляны кытта дуэттаан көрөөччү биһирэбиллэрин ыллылар. Ырыаһыт кыыспыт Аида Ийэ түһүмэҕэр олус истиҥ ырыаны бэлэхтээн көрөөччүлэри долгутта. Атыы -эргиэн түһүмэҕэр «Уочраракка» сыанканы Надежда Барашкова, Ксения Гоголева, Екатерина Андреева,, Туяра Борисова уонна Николай Максимов олус үчүгэйдик оонньоон ааспыт олох биир көстүүтүн санатан ыллыллар. Оскуола, уһуйаан түһүмэҕэр -Оҕолор аныгы визиткалара, уһуйаан иитиллээччилэрин ылбаҕай ырыалара, бүтэһигэр, Дьиэ-кэргэн сылынан нэһилиэкпит биир тумус туттар эдэр ыала — 3 кыыстаах Саргылана, Петр Бабиченколар нэһилиэк гимнын дьиэ-кэргэнинэн бары ыллаан кинигэ биһирэмин тыыннааҕымсытан, библиотүүн олус табыллан, 93 киһи сылдьан сыалын ситтэ.